JOB 16:13 - Dios Rimashcata Quillcashcami

¹³ Paipac flechata shitac runacunami ñucataca muyushpa shayarircacuna. Mana llaquishpami ñuca riñoncunatapish pasachinacushca. Chashna ruhuacpimi ñuca hielpish pambapi tallirirca.

JOB 16:13 Referans Kwoze

JOB 20:25

Paipac cuerpo huashamanmi flechaca llucshinga. Jagan nicun flechami paipac hieltaca chaupishpa pasanga. Jatun manchaimi paitaca japinga.

JOB 6:4

Tucuita ruhuac Diospac flechacunami ñucapi yaicushca. Chai flecha venenotami ñuca almaca ubiashca. Diospac jatun manchaimi ñucahuan macanacucun.

LAMENTACIONES 2:11

Ñuca llactapi causac huahuacunapish, chuchucuc huahuacunapish pambacunapi yarcaihuan huañuna shina siricucpimi, yallita huacani. Chashna huacacucllapitacmi huiquipish mana tiyan. Ñuca shungupish cuyurishpa, pambaman urmanalla shina tucun.

2 PEDRO 2:5

Ñaupa punzhacunapi causaccunatapish Diosca mana perdonarcachu, ashtahuanpish yacu juizhuhuanmi millai gentecunataca tucuchirca. Shina cashpapish Dios munashca shina causachun nishpa, huillac Noellatami paihuan cac canchiscunandi quishpichirca.

ROMANOS 8:32

Diosca, paipac quiquin Churitapish tucui ñucanchicmanta llaquita apachun, mana jarcarishpa, cushpaca, ¿manachu paipac Churita cushca shina imatapish cunga?

EZEQUIEL 5:11

Mandac Dios ñuca shutipimi nini: Cancuna yalli millaita ruhuashcamanta, ruhuashcalla dioscunata adorashpa ñucapaclla huasita yangapi churashcamantaca ñucapish llaquichishami. Manatac llaquishachu, manatac cuyashachu.

LAMENTACIONES 3:13

Paipac flechacunataca fuerzahuan shitashpami, ñuca shungupitac shitarca.

JOB 19:27

¡Paitaca ñucallatami ricusha! Ñuca shungu ucupi llaquihuan huañucushpapish, ñuca ñahuihuantacmi ricusha. Pi shucca mana ricungachu.

JOB 6:10

Jucha illac Dios rimashcatami cazushpa causarcani. Chaimanta ñuca jatun llaquicuna chaupipi cashpapish cushicuiman.

DEUTERONOMIO 29:20

Mandac Diosca chashna mana alli ruhuactaca mana perdonangachu. Ashtahuanpish nina rupashpa cushnicuc shina piñarishpa, paipaclla cachun munashpa, cai libropi sinchita nicushca shinami llaquichinga. Chashnami cai pachamanta chai runapac shutitaca chingachinga.

GÉNESIS 49:23

Paitaca piñashpami, flechacunahuan shitashpa llaquichirca.

JOB 19:12

Paipac soldadocunami, shuc shamuita shamushpa ñucata japircacuna. Ñuca huasi muyundipimi carpacunata shayachishpa tiyarircacuna.

JOB 25:3

¿Pitac paipac soldadocunataca yupai pudingayari? ¿Paipac achicca pitatac mana achicyachin?

LAMENTACIONES 2:4

Piñac runa shinami, paipac arcocunata cacharirca. Sumac tiyashcacunataca paipac alli maquihuanmi mana ricunayachic runa shina tucuchirca. Nina japiric shina piñarishpami, Sionpi tiyac carpa huasicunataca llaquichirca.

LAMENTACIONES 3:11

Shuctac ñanta pushashpami, ñutuchishpa saquirca.