JOB 15:21 - Dios Rimashcata Quillcashcami

²¹ Paipac ringripica manchana culun nishcami uyarin. Cushilla causacucpimi, tucuchic runa shamushpa tucuchinga.

JOB 15:21 Referans Kwoze

JOB 18:11

Tucui ladomantami llaquicuna shamushpa manchachinga. Chaqui talonpi saruc shinami yallita manchachishpa catinga.

1 TESALONICENSES 5:3

Gentecunaca: «Cushillami sumacta causacunchic» nicucpica, jatun llaquica shuc huarmita sajuarina nanai japic shinami cungailla japinga. Chai llaquimantaca pipish mana quishpiringachu.

LEVÍTICO 26:36

Cancunapuramanta saquiriccunaca piñaccunapac llactapimi causanga. Paicunapac shungupi ñuca manchaita churacpimi, shuc yurapi panga huairahuan cuyuricllapipish manchaihuan callpanga. Espadahuan huañuchingapac caticucpi shinami, manapish pi caticucpi, callpashpa urmanga.

1 CORINTIOS 10:10

Paicunapuramanta maijancuna shina, ama Diosta rimashpa piñachichicchu. Chashna piñachishcamantami, chai huañuchic ángel shamushpa huañuchirca.

APOCALIPSIS 9:11

Chaicunataca jatun jutcuta jatun mandac angelmi mandacurca. Chai angelca hebreo rimaipica Abadón, cutin griego rimaipica Apolión shutimi carca.

SALMOS 92:7

Diosta mana manchaccuna quihua shina huiñashca cashpapish, millaita ruhuaccuna, yura sumacta sisac shina cashpapish, huiñaita chingaringapacmi cancuna.

JOB 27:20

Manchana yacu shinami jatun manchaica japinga. Manchaipac tamya huaira tuta shamushpami tucuchinga.

2 REYES 7:6

Mandac Diosca siriocunapac carpacuna shayachishca pambapica macanacuna carretacuna, caballocuna, shinallatac achca soldadocuna bullashpa uyarishca cachunmi ruhuashca carca. Chaita uyashpami, paicunaca caishuc chaishuc parlanacushpaca: «Israel llactata mandacmi ñucanchicta llaquichichun heteocunata, Egipto runacunata jatun mandaccunata cayashca canga» nircacuna.

JOB 15:24

Llaquicunapish, huacaicunapish yallitami manchachishpa charin. Jatun mandac macanacungapac allichirishpa shamuc shinami paita llaquichingapac shamun.

JOB 18:14

Paipac huasipi mana manchashpa sumacta causacucpipish, chaimanta llucshishpami, yallita manchachic jatun mandaccunapacman apashca canga.

JOB 20:21

Pai mana micushcaca imapish mana tiyarcachu. Chaimantami pai imalla charishcacunaca mana unaicaman canga.

JOB 22:10

Chaimantami cambac muyundipi llaquichiccunaca tiyan. Cungailla llaquicuna japishpami manchachinga.

JOB 24:17

Paicunamanca achic punzhaca pura tuta shinami. Paicunata pi ricsinataca, huañuchic amsata shinami manchancuna.

PROVERBIOS 10:24

Diosta mana manchac runa imatami manchan, chai manchaillatacmi paita japinga. Ashtahuanpish cashcata ruhuaccunaca imata pai munashcatami japinga.

ESTER 7:6

Shina tapucpi Esterca: —Chai ñucanchicta mana ricunayachishpa piñac runaca cai millai Amanmi— nirca. Shina nicpimi, Amanca jatun mandacpac, jatun mandac huarmipac ñaupapi yallita mancharishpa upayashpa saquirirca.

PROVERBIOS 28:1

Diosta mana manchac runaca pipish mana caticucpimi miticushpa callpan. Ashtahuanpish cashcata ruhuac runaca león shinami imatapish mana manchan.

JEREMÍAS 6:26

Chaimantami ñucaca: «Ñuca llactapi causaccunalla, sharpa churanata churarishpa, uchupapi singüichicyari. Shuclla huahua huañushcamanta llaquiric shina, yana churanata churarishpa, caparishpa huacaichicyari. Ñucanchicta tucuchicca ñallami shamunga» nircani.