JOB 14:12 - Dios Rimashcata Quillcashcami

¹² runa huañushpa tigrashpaca mana jatarin. Jahua pacha tucuringacaman manatac jataringachu. Sueñucushcamantaca mana riccharingachu.

JOB 14:12 Referans Kwoze

APOCALIPSIS 21:1

Chai quipaca ñaupaman cac jahua pachapish, cai pachapish shinallatac mama cucha yacupish chingaricpica, jahua pachatapish, cai pachatapish mushuc cashcatami ricurcani.

JOB 3:13

Huañushca cashpaca, samaricuimanmi carcani. Sumactami sueñucuiman carcani.

APOCALIPSIS 20:11

Chai quipaca shuc jatun yuranlla mandashpa tiyarinapi shuc tiyacuctami ricurcani. Paipac ñaupamantaca cai pachapish, jahua pachapish tucui chingarishpami maipi mana ricurirca.

2 PEDRO 3:7

Shina cashpapish jahua pachapi, cai pachapi cunan ima tiyashcacunataca, chai rimashcallahuantacmi ninahuan tucuchingapac Diosca huacaichishpa charicun. Chai ninaca Dios taripashpa millaicunata llaquichina punzhapimi, rupachishpa tucuchinga.

EFESIOS 5:14

Chashna achic luzman llucchicpica, imapish luzpimi canga. Chaimantami: «Sueñushcamanta ricchari, huañushcacunapuramanta jatari. Cristomi cantaca achicyachinga» nincuna.

HECHOS 3:21

Dios tucuita mushucta ruhuangacamanmi Jesucristoca jahua pachapi cana can. Chashnami Diosca, jucha illac, pai ima nishca huillaccunaman huillachishca.

SAN MATEO 24:35

Jahua pachapish, cai pachapish tucuringami. Ashtahuanpish ñuca huillashcaca pactacungallami.

ISAÍAS 65:17

Ñucami jahua pachatapish, cai pachatapish mushucta ruhuasha. Utcapi ima tucushcataca cungaringami. Shungullapipish mana yuyaringachu.

ISAÍAS 51:6

Jahua pachata huichailla ricuichicyari. Cai pachatapish urai ricuichicyari. Jahua pachaca cushni shinami chingaringa. Allpaca churana maucayac shinami tucuringa. Cai pachapi causaccunaca chuspicuna shinami tucuringa. Shina cacpipish, ñucaca huiñaitami quishpichisha. Ñuca cashcata ruhuanaca manatac tucuringachu.

ISAÍAS 26:19

Cambac huañushcacunaca causaringami. Huañushca cuerpoca jataringami. ¡Allpapi samaricuccunalla, riccharishpa cantaichicyari! Garua tamyahuan muyu huiñac shinami, allpamanta llucshimunga. Cai pachaca huañushcacunata cutichingami.

JOB 30:23

Canca ñucataca huañuiman, tucui causaccuna huañushpa, rina llactaman apacushcatami yachani.

ROMANOS 8:20

Tucui Dios ruhuashcacunaca, mana paicuna munaimantachu yangalla tucurca, ashtahuanpish Diosmi punzhanta shuyachun chashnaca ruhuarca.

DANIEL 12:2

Huañushpa allpapi samariccunaca shuccunaca huiñaita causangapac, cutin shuccunaca huiñaita pingaichishca llaquita apangapacllami causaringa.

ISAÍAS 66:22

Cutinllatac Mandac Diosca: «Ñuca ruhuashca mushuc jahua pachapish, mushuc cai pachapish huiñaicamanmi ñuca ñaupapi canga. Cancunapac huahua huahuacunapish huiñaicaman mana chingaringa.

ECLESIASTÉS 12:5

Huichaiman rinapish manchanami ricuringa. Ñanpica manchaillami tiyanga. Almendro yurapish sisangami. Langosta curucunapish jundangami. Micuna munaipish mana tiyangachu. Huiñaita causana huasiman ricucpica, duelota ruhuac runacunaca huacashpami plazata muyungacuna.

SALMOS 102:26

Tucui chaicunaca tucuringami. Ashtahuanpish canca causacunguillami. Tucui chaicunaca churana shinami maucayanga. Mushuc churanata shinami cambiangui.

JOB 7:21

¿Ima nishpatac ñuca mana cazushcata anchuchishpa, ñuca juchacunata perdonangui? Utcami uchupapimi sueñugrini. Ñucata can utca mashcacpipish ña mana ricurishachu» nirca.

SALMOS 90:5

Gentecunataca jatun yacuta cacharic shinami tucuchingui. Muscushca shinallami chingarincuna. Tutamanta huiñashca quihua shinami canchic.

JOB 7:9

Puyu ashancaman chingaric shinami maijanpish Seolman rishpaca, cutinca mana llucshinga.

ECLESIASTÉS 11:8

Maijan unai huatata cushicushpa causashpaca, pura tutapi ashtahuan unai huatacunata causana cashcatami yuyarina can. Quipaman ima tucugricucca yangallami canga.