JOB 13:19 - Dios Rimashcata Quillcashcami

¹⁹ ¿Pitac ñucataca juchanchishpa rimai pudin? Maijan tiyacpica ñucaca upalla saquirishpa huañushallami.

JOB 13:19 Referans Kwoze

ROMANOS 8:33

¿Pitac Dios acllashcacunataca juchanchinga? Diosmi paicunataca chasquin.

JEREMÍAS 20:9

Chaimantami ñucaca: «Mandac Diosta mana ashtahuan yuyarishachu, paipac shutitapish mana ashtahuan huillashachu» nishpa yuyarcani. Shina cacpipish, cambac rimashcaca ñuca shungupica nina shina rupachishpami tullucaman chayan. Chaimantami cambac rimashcata ñuca shungullapi charicusha nicushpapish mana pudini.

JOB 33:32

Ima yuyaicunata charishpaca cutichi. Ñucaca cantaca mana juchanchina cashcatami huillasha ninimi. Chaimanta imata nisha nishpaca nilla.

JOB 19:5

Ashtahuanpish cancunaca jatun tucushpami rimanguichic. Ñucata piñashpami rimaringuichic.

JOB 13:13

Ñuca rimashcata uyaichic. Quipaman ima tucungapacpish rimashallami.

JOB 10:8

Ñucataca cambac maquihuanmi sumacta ruhuarcangui. Shina ruhuashca jahuami ñucataca tucuchisha ningui.

JOB 7:11

Chaimantami ñuca shimihuan rimarinataca mana saquisha. Ñuca yuyaipi llaquihuan huañucushpami rimaricushalla. Tucui almahuan llaquirishpami aij nicushalla.

JOB 7:21

¿Ima nishpatac ñuca mana cazushcata anchuchishpa, ñuca juchacunata perdonangui? Utcami uchupapimi sueñugrini. Ñucata can utca mashcacpipish ña mana ricurishachu» nirca.

JOB 9:3

Dios-huan rimanacushpaca huaranga shimicunamanta shucllatapish mana cutichi pudingachu.

JOB 13:20

Dioslla, ñucataca cai ishcaillatami ama ruhuachun munani. Chaicunata mana ruhuacpica cambac ñaupamanta mana miticushachu.

ISAÍAS 50:9

Riquichic, ñucataca Mandac Diosmi ayudanga. ¿Pitac ñucata juchanchi pudinga? Tucui paicunami churana shina, maucayashpa tucuringa. Polilla curumi micushpa tucuchinga.