JOB 13:11 - Dios Rimashcata Quillcashcami

¹¹ Dios tucuita ruhuac cashcahuanca manchachishpa cancunapac jahuapi jatun manchaita churangami.

JOB 13:11 Referans Kwoze

SALMOS 119:120

Cambac ñaupapica ñuca cuerpoca chucchucunmi. Can llaquichinataca manchacunimi.

JOB 31:23

Ñucaca Dios llaquichinatami mancharcani. ¡Jatun Diospac ñaupapica, maitatac ricuri pudiman carcaniyari!

SAN MATEO 10:28

Cuerpota huañuchiccunataca ama manchanguichicchu. Cuerpota huañuchishpapish, almataca mana huañuchi pudingachu. Ashtahuancarin almatapish, cuerpotapish ucu pachaman cachac Diosta manchanguichic.

JEREMÍAS 10:10

Ashtahuanpish Mandac Diosca cashcata nic Diosmi. Paica huiñaita Mandac, causac Diosmi. Pai yallita piñaricpica, allpapish chucchunmi. Shuctac llactacunapi causaccunapish pai piñaricpica, mana causai pudincunachu.

JEREMÍAS 5:22

¿Manachu ñucataca manchanguichic? Ñuca ñaupapica, ¿manachu chucchunguichic? Ñucami tiyu allpataca mama cucha patapi huiñai huiñaita lindero cachun churarcani. Mama cucha sinchita huac nishpa shamushpapish mana pasangachu.

ISAÍAS 8:13

Tucuita Mandac Dios ñucallata jatunyachichic. Ñucallata manchashpa chucchuichic.

JOB 13:21

Cambac maquita ñucamanta cutichi, jatun manchaita ñucamanta anchuchi.

ÉXODO 15:16

Mandac Dioslla, paicunataca manchaipish, chucchuipish japingami. Cambac sinchi maquihuan ruhuashcata ricushpa rumi shina upami saquiringa. Chashnami can acllashcacuna pasangacaman saquiringa.

JOB 13:12

Cancunapac yuyaita japina parlocunaca uchupa shina yangallami. Cancunapac jarcarishpa rimashcacunaca allpamanta ruhuashca shinami.