JOB 12:6 - Dios Rimashcata Quillcashcami

⁶ Shuhuaccunapac huasipica tucuimi alli can. Diosta piñaccunapish, imatapish mana manchashpami cushicushpa causancuna. Diosllatac cucpi paicuna ima charishcapi shunguta churashpami causancuna.

JOB 12:6 Referans Kwoze

JOB 9:24

Cai pachataca paita mana manchaccunapac maquipimi churashca. Paica juezcunapac ñahuitapish tapanmi. Mana pai ruhuacpica, ¿pitac ruhuangayari?

JEREMÍAS 5:27

Volac animalcunata jaulapi jundachishca shinami, paicunapac huasipica tucuilaya shuhuashcacuna tiyacun. Chashnami chayucyashpa jatun tucun.

SALMOS 37:35

Diosta mana manchac runataca yallita jatun tucuctami ricurcani. Libanopi tiyac cedro yura shina jatunyactami ricurcani.

SALMOS 37:1

Millaita ruhuaccunamantaca ama yallita piñarichu. Paicuna imata ruhuashcata ricushpa ama canpish ruhuasha nichu.

SALMOS 17:14

Paicunapac maquimantaca cambac maquihuan cacharichiyari. Mandac Dioslla, paicuna japinataca ñami cai pachapi charincuna. Paicunaca can cushcatami huicsa pactata micuncuna. Huahuacunamanpish yallitami charincuna. Quipa huahuacunamanpish puchunmi.

JOB 22:18

¡Achca charinacunatami paicunapac huasipi jundachirca. Shina cacpipish, ñucaca mana paicuna shina yuyarisha ninichu!

JOB 12:5

Allita causaccunaca llaquipi caccunataca rimashpami llaquichincuna. Urmanalla shina causaccunataca tangashpami shitancuna.

JOB 12:7

Shina cashpaca, animalcunaman tapuichicyari. Paicunaca yachachingami. Jahuata volac animalcunaman tapuichicyari. Paicunaca ricuchingami.

JOB 24:23

Diosca paicunamanca, imatapish mana manchashpa, paipi shunguta churana yuyaitami cun. Shina cashpapish, paicuna purishcataca ricuracunmi.

SALMOS 92:7

Diosta mana manchaccuna quihua shina huiñashca cashpapish, millaita ruhuaccuna, yura sumacta sisac shina cashpapish, huiñaita chingaringapacmi cancuna.

JEREMÍAS 12:1

Mandac Dioslla, ñuca imata tapucpipish, cashcata nicmi cangui. Shina cacpipish, caillatami tapunata munani. ¿Ima nishpatac canta mana manchaccunaca alli causancuna? ¿Ima nishpatac canta mana cazuccunaca cushilla causancuna?

JOB 15:13

¿Ima nishpatac Dios-huan piñaringui? ¿Imamantatac imatapish rimaringuilla?

SALMOS 73:3

Diosta mana manchaccuna cari tucushcata ricushpa, paicuna chayuccuna cacpimi, ñuca shungupipish munarcani.

JEREMÍAS 5:28

Chashnami huirayashpa puca ñahuicuna tucurca. Paicunaca yalli mana allitami ruhuarca. Taita mama illac huahuacunamanpish ima allita mana ruhuancunachu. Huacchacunata llaquichicucpipish, mana misancunachu.

HABACUC 1:11

Chai quipaca acapana huaira shina yaicushpami, tucui tucuchinga. Paicunapac diosca fuerzami can» nirca.