JOB 12:15 - Dios Rimashcata Quillcashcami

¹⁵ Pai mana tamyachicpica, tucuimi chaquin. Pai yallita tamyachicpica, allpa ucuyanmi.

JOB 12:15 Referans Kwoze

1 REYES 17:1

Eliasca Galaad llacta tisbitapuramantami carca. Paica mandac Acabtaca: «¡Israelcunata Mandac Diospac shutipimi nini: Ñucaca paitami servini! ¡Cai huatacunaca mana tamyangachu paramollapish mana tiyangachu! ¡Ashtahuanpish ñuca mandacllapimi tamyanga!» nirca.

APOCALIPSIS 11:6

Chai ishcai huillaccunaca, paicuna huillacui punzhacuna ama tamyachun, tamyata jarcai pudincunami. Yacucunatapish yahuarta ruhuangapac poderta charincunami. Allpa pachapi ima tiyashcatapish tucuilaya llaquicunahuan, mashna cutinpish llaquichi pudincunami.

SAN LUCAS 4:25

Elías huillacui punzhacunapica, Israel llactapica, achca viuda huarmicunami tiyarca. Chai punzhacunapi quimsa huata, sucta quillata mana tamyacpica, tucui llactacunapimi yarcai tiyarca. Chaica, chashnatacmi carca.

NAHÚM 1:4

Pai rimashpaca, mama cuchatapish, achca yacucunatapish chaquichinmi. Basán llactapish, Carmelo urcupish, Líbano llacta sisacunapish, anguyashpa chaquinmi.

AMÓS 5:8

Pléyades, Orión lucerocunatapish ruhuac Mandac Diospacman cuchuyaichic. Paimi tutataca punzhata, punzhataca amsata ruhuan. Paimi mama cucha yacuta cayashpa, allpapi tallin. ¡Paipac shutica Mandac Diosmi!

JEREMÍAS 14:22

¿Maijan llacta dioscunamanta maijan tamyachic tiyanchu? Jahua pachapish, ¿pailla tamyata cachai pudinchu? Canca, ¿manachu ñucanchicta Mandac Dios cangui? Can caipi tucui ima tiyaccunata ruhuac cashcamantami canllapi shunguta churanchic» nirca.

JOB 12:10

Tucui causaccunapac almapish, samaipish paipac maquipimi.

GÉNESIS 7:11

Noeca sucta patsac huatayuc cacpi, chai huata callarishca ishcai quilla, chunga canchisniqui punzhapimi allpa ucumantapish yacuca timbushpa llucshirca. Jahua pachamantapish yacu punguta pascac shinami tamyai callarirca.

GÉNESIS 6:17

Riqui, tucui cai pachapi causaita chariccunata tucuchingapacmi cai pachamanca yacu juizhuta cachagrini. Chaipica tucui cai pachapi causaccunami huañunga.

GÉNESIS 6:13

Chaita ricushpami, Diosca Noetaca: «Paicunamantami cai pachapica millaica yallita jundarishca. Chaimantami tucui cai pachapi causaita chariccunata tucuchinata yuyarircani.

DEUTERONOMIO 11:17

Chashna mana allita ruhuacpica, Mandac Dios nina japiric shina piñarishpami, pai cusha nishca sumac llactapica jahua cielota huichcac shina mana tamyachinga. Allpacunapish mana pucucpica, utcami tucuringuichic.

GÉNESIS 8:1

Chai quipami, Diosca Noetapish, tucui animalcunatapish jatun huambuc huasipi cacta yuyarishpa, huairata cacharca. Chai huairami yacutaca ashancaman chaquichirca.

JOB 28:25

Paimi huairatapish pezashpa, yacucunatapish medishpa churarca.

1 REYES 17:7

Ña tauca punzhacuna quipami, chai llactapi mana tamyacpi, chai huaicu yacuca chaquirca.