JOB 11:8 - Dios Rimashcata Quillcashcami

⁸ Paica jahua pachatapish yalli jatunmi. Chashna cacpica, ¿imatatac ruhuai pudingui? Seolmanta ashtahuan ucu pachapimi. Shina cacpica, ¿ima shinatac ricsi pudingui?

JOB 11:8 Referans Kwoze

JOB 22:12

Diosca jahua pachamanta ashtahuan jahua pachapimi tiyacun. Lucerocunapish paimanta urapimi cancuna. Chaitaca ricuiyari.

AMÓS 9:2

Seolcaman jutcushpa miticucpipish, chaimantami ñuca maquihuan llucchisha. Jahua pachaman huichai ricpipish, chaimantami uricuchisha.

ISAÍAS 55:9

Ima shinami jahua pachaca cai pachamanta jahuaman tiyacun, chashnallatacmi ñuca imata ruhuashcapish yalli can. Shinallatac ñuca yuyaipish cancunapac yuyaicunataca yallimi.

SALMOS 148:13

Mandac Diospac shutica mai alli nina shutimi. Chaimanta paita alabaichicyari. Paimi cai pachatapish, jahua pachatapish ricucun.

JOB 35:5

Jahua pachata huichailla ricushpa, chaipi tiyac puyuta allita ricuiyari. Chaicunaca cantapish yalli jahuamanmi tiyacun.

JOB 26:6

Diospac ñaupapica Seolpish pascashcami. Abadonpish imahuan mana jarcashcachu can.

SALMOS 103:11

Cai pachamantaca jahua pachaca ashtahuanmi jahuaman. Chai shina jatun cuyaitami charin. Paita manchaccunataca yallitami cuyan.

2 CRÓNICAS 6:18

Ashtahuanpish Mandac Diosca, ¿cai pachapi causaccunahuan causangachu? Riqui, jahua pachapac ashtahuan jahuaman cac jahua pachapish can Dios causangapacca mana pactanchu. ¡Ñuca shayachishca cai huasicarin maitatac pactangayari!

JOB 7:9

Puyu ashancaman chingaric shinami maijanpish Seolman rishpaca, cutinca mana llucshinga.

JOB 11:9

Paica cai pachatapish yalli jatunmi. Mama cuchatapish yalli anchomi.

JOB 37:23

Tucuita ruhuac Diosmantaca mana yachai pudinchicchu. Paica imatapish cashcata ruhuac, pitapish mana llaquichic Diosmi can.

JOB 38:17

¿Huañushcacuna tiyana pungucuna maipi cashcataca ricushcanguichu? ¿Huañuna amsa ucu pungutapish ricushcanguichu?

SALMOS 36:6

Cashcata can ruhuashcapish cambaclla jatun urcucuna shinami. Can mandashcacunaca jatun mama cucha yacu shinami. Mandac Dioslla, gentecunatapish animalcunatapish cambac maquipi charingui.

PROVERBIOS 30:4

¿Pitac jahua pachaman rishpa, cutimushcayari? ¿Pitac maquipi huairata tandachishcayari? ¿Pitac yacuta montonashpa chari pudishcayari? ¿Pitac cai pachataca muyundita ruhuashcayari? ¿Paica ima shutitac canyari? ¿Paipac churipac shutitaca yachanguichu?