JOB 11:3 - Dios Rimashcata Quillcashcami

³ ¿Can yallita rimarishpaca upallachinguichu? Can mana cazushpa asicpica, ¿manachu pi cantaca pingaichinga?

JOB 11:3 Referans Kwoze

JOB 17:2

Ñucata asiccunallami muyushpa shayacuncuna. Ñuca ñahuica paicuna llaquichishcallatacmi ricucun.

SAN JUDAS 1:18

Paicunaca: «Tucuri punzhacunapica, paicuna munashca shina mana alli munaillahuan causashpa, burlaric gentecunami tiyanga» nircacunami.

TITO 2:8

ama pi juchanchichunca rimana cashcallata rimangui. Shina ruhuacpimi maijanpish ñucanchicta piñaccunaca pingashpa, imata mana ni pudingacuna.

2 TESALONICENSES 3:14

Maijanpish cai quillcapi nishcata mana cazucta ricushpaca, pai pingaita charichunca ama tandaringuichicchu.

JEREMÍAS 15:17

Millaita ruhuashpa cushicuc runacunahuanpish mana tandarircanichu. Can ñucata cambacllata ruhuashcamanta pachami, ñucalla causai callarircani. Chai millaita ruhuaccunataca mana ricunayanchu.

SALMOS 83:16

Mandac Dioslla, paicuna canta mashcachun pingaichishpa ñahuita pucayachiyari.

SALMOS 35:16

Burlashpami yallita llaquichirca. Ñucata piñashpami quirucuna caniricurca.

JOB 34:7

¿Pitac Job shinaca tiyangayari? Paica yacuta ubiac shinami burlashpa asin.

JOB 24:25

¿Pitac mana chashnachu ni pudingayari? ¿Pitac ñucataca llullacunguimi ni pudingayari? ¿Pitac ñuca rimashcacunataca yangallami ni pudingayari?» nirca.

JOB 21:3

Quipata burlashpa asingapacpish ñuca rimashcata sumacta uyaichic.

JOB 13:9

Cancuna ima ruhuashcata pai taripacpica, ¿allichu ricuringuichic? ¿Paitaca shuc runata ricushpa asic shinachu burlanguichic?

JOB 13:4

Cancunaca llullashpa pandachiccunami canguichic. Cancunaca jambiccuna mana jambinata yachac shinami canguichic.

JOB 12:4

Ñucaca ñuca ricsishcacunapac burlashpa asinami tucushcani. Diosta mañacpica paica uyarcami. Imatapish cashcata ruhuac runatapish, mana allita ruhuac runatapish, burlashpami asincuna.