JOB 11:15 - Dios Rimashcata Quillcashcami

¹⁵ Shinami jucha illac ñahuihuan huichai ricungui. Sinchi tucushpami imatapish mana manchangui.

JOB 11:15 Referans Kwoze

JOB 22:26

Tucuita ruhuac Dios-huanmi cushicungui. Cambac ñahuihuanmi Diosta huichailla ricungui.

1 JUAN 2:28

Cuyashca huahuacuna, shinashpaca Jesucristo ricuricpi mana manchashpa ñahui ñahui ricuringapacca, paihuan shuclla causaichic. Chashna causashpami pai cutin shamucpica, paipac ñaupapi mana pingashpa tupashun.

1 TIMOTEO 2:8

Jesusta cric caricunaca, maipi cashpapish mana piñarishpa, mana piñanacushpa, jahuaman maquita chutashpa alli shunguhuan Diosta mañachunmi munani.

2 CORINTIOS 1:12

Ñucanchic causaipica imatapish cashcata ruhuashpa, chuya shunguhuan causacushcatami yachanchic. Ashtahuancarin cancunahuanmi chashna causarcanchic. Chashnaca mana gentecunapac yachaillamanta ashtahuanpish Diospac cuyaillamantami chashna causacunchic.

PROVERBIOS 28:1

Diosta mana manchac runaca pipish mana caticucpimi miticushpa callpan. Ashtahuanpish cashcata ruhuac runaca león shinami imatapish mana manchan.

PROVERBIOS 14:26

Mandac Diosta manchaccunaca paipi shunguta churashpami causancuna. Chashna manchacpimi churicunapish pai cuidashca causangacuna.

SALMOS 46:1

Diosca muyundita jatun pircashca shina ñucanchicta cuidashpa huacaichicmi. Shinallatac llaquihuan cacpipish, utca ayudacmi.

SALMOS 27:1

Mandac Diosca ñucata achicyachic luzmi. Shinallatac ñucata quishpichicmi. Chaimantaca ¿pitatac manchashayari? Mandac Diosca ñuca causaipacca jarcarina jatun pirca shinami. Chaimantaca ¿pitatac manchashayari?

JOB 10:15

Ñuca juchayuc cashpaca, ¡aij imachari tucusha! Cashcata ruhuac cashpapish, umallatapish mana alzai pudinichu. Cunanca llaquihuanpish, nanaihuanpish shaicushcami cani.

GÉNESIS 4:7

Allita ruhuashpaca, ¿manachu alli nishca canguiman? Cantaca juchami pungupi shuyac shina, mana allita ruhuachicun. Chai juchacunataca canllatacmi mishana cangui— nirca.

SALMOS 27:3

Achca soldadocuna ñucata muyunacushpa shamucpipish, ñuca shunguca mana manchangachu. Ñucata huañuchingapac jatun macanacuita ruhuacpipish Paipimi shunguta churasha.

SALMOS 46:2

Chaimantami allpa chucchucpipish, urcucuna tuñirishpa mama cucha chaupipi siriricpipish mana manchashun.