JOB 10:8 - Dios Rimashcata Quillcashcami

⁸ Ñucataca cambac maquihuanmi sumacta ruhuarcangui. Shina ruhuashca jahuami ñucataca tucuchisha ningui.

JOB 10:8 Referans Kwoze

SALMOS 119:73

Cambac maquihuanmi ñucata ruhuarcangui. Can mandashcacunata allita yachacungapac ñucata entendichiyari.

ISAÍAS 43:7

Ñuca shutipi cayashcacunataca tucuita cachaichic. Paicunataca sumaimana cachunmi ruhuarcani» ninmi.

JOB 10:3

¿Cambac maquihuan ruhuashca runata llaquichishpa, canta mana manchaccunapac maquipi churanaca allichu canga?

JOB 9:22

Ñucaca: “Paica mana juchayuctapish, mana manchactapish tucuchinllami.

JOB 13:19

¿Pitac ñucataca juchanchishpa rimai pudin? Maijan tiyacpica ñucaca upalla saquirishpa huañushallami.

JOB 30:23

Canca ñucataca huañuiman, tucui causaccuna huañushpa, rina llactaman apacushcatami yachani.

SALMOS 33:15

Paimi tucuipac shunguta ruhuarca. Chaimantami shungu imata yuyacushcatapish yachan.

SALMOS 100:3

Mandac Diostaca, Dios cashcata ricsichicyari. Paimi ñucanchictaca ruhuarca. Ñucanchicca mana ñucanchicllatac ruhuarircanchicchu. Pai acllashca gentecunami canchic. Paipac michina pambapi micuc ovejacunami canchic.

SALMOS 138:8

Mandac Dioslla, canca huiñaita llaquicmi cangui. Can Mandac Dios ñucaman imata ruhuasha nicushcataca pactachiyari. ¡Cambac maquihuan ruhuashcataca ama saquichuyari!

SALMOS 139:15

Ñuca pacalla huiñacushpapish, cambac ñaupapica, mana pacallachu carcani. Allpa ucupi shina huiñacushpapish, mana pacalla cai pudircanichu.

SALMOS 139:16

Muyu shina ñuca huiñai callaricucpimi canca ña ricurcangui. Tucui chaicunatami cambac libropi ña quillcarcangui. Ñuca causai punzhacuna manarac tiyacpimi ña yupashca carcani.

JOB 9:17

Paica yallita huaira tamyahuanmi llaquichirca. Ñuca mana faltayuc cacpipish, ñuca chugritaca ashtahuan anchayachirca.