5 Paicunaca caishuc chaishuc llullanacushpami umancuna. Mana cashcata nincunachu. Paicunapac calluca llullata rimanapimi yacharishca. Mana allita ruhuanataca mana shaicushpami ruhuacunlla.
¿Manachu tucuita Mandac Diosca gentecuna imata ruhuashcataca ninapi rupachic shina tucuchinga? Llactacunapi causaccuna imata ruhuashpaca yangami shaicunga.
Chashnami chai llactapi causaccunaca yallita llaquichishca. Paicunaca llullaccunami. Calluca llullashpa umangapacllami.
Yallita purishpami shaicurcangui. Shina cashpapish: “Shaicushcami cani” nishpaca, mana nircanguichu. Canca shaicushpapish fuerzata japishpami, mana samarishpa ashtahuan caticurcanguilla.
Cambac shimillatacmi can mana alli cashcataca huillacun. Canca yachac tucushcacunapac rimaitami acllashcangui.
mishqui shimi jayac shungu, llullaccuna, ima nishcata uyashpami crishcatapish saquishpa ña mana catishun ningacuna. Chai gentecunaca shungupi diablo unanchishcamantami ima allita ruhuana yuyaitapish mana charincuna.
Tucui criccuna shuc shinalla cashcamantaca ña ama ashtahuan llullashpa, caishuc chaishuc-huan imapish cashcallatac nichic.
Ñuca acllashcacunalla, ¿cancunataca imatatac ruhuarcani? Mana cashpaca, ¿imata ruhuashpatac piñachircani? ¡Imata cashpapish huillaichiclla!
Manga yanayashcaca mana llucshipacchu. Ashtahuanpish ninallahuanmi llucshinga.
Paicunapac calluca huañuchic flecha shinami. Chashnami llullashpalla causan. Ricsishcacunahuanca nic tucushpallami, cushilla parlan. Ashtahuanpish shungupica pacalla llaquichinatami yuyaricun.
Paicunapac calluhuanca flechata shitac shinami llullan. Cashcata ninapac randica, ashtahuan ashtahuan millaita ruhuashpami, mandac Diostaca mana ricsirca.
¡Aij, mana allita ruhuana yuyaita huascahuan aisac shina llullaccunalla! ¡Carretata aisac angu shina, juchata ruhuaccunalla!
Paicunaca ima millaita mana ruhuashpaca, mana sueñuncunachu. Pitapish mana pandachishpaca, sueñuitapish mana charincunachu.
Paicunapac calluca culebrapac callu shina puntasapami. Paicunapac shimicunapish culebrapac veneno shinami.
Paicunapac callucunataca filo espadata shinami allichincuna. Arcota shitac shinami jayac shimicunata parlancuna.
Cambac shimica millaillatacmi rimangui. Cambac calluca llullami can.
Diosta mana manchacta ricui. Paicunaca millaicunata huicsayuc tucushpami, llullata huacharca.
¿Can yallita rimarishpaca upallachinguichu? Can mana cazushpa asicpica, ¿manachu pi cantaca pingaichinga?
Huasi pungupi cac gentecunataca huambracunamanta callarishpa, yuyaccunacamanmi mana ricucta ruhuarca. Chaimantami chai gentecunaca punguta mashcacushpalla shaicurcacuna.
Allita ruhuanapac randica mana allitaracmi cuyac shina ruhuashcangui. Cashcata ninapac randica llullanatami ashtahuan munangui.
Chaimantami canca: “Cai llactapi causaccunaca paicunata Mandac Diostaca mana cazurcacunachu. Allita ruhuachun yachachishcatapish mana uyarcacunachu. Paicunaca cashcata ninataca saquishcami” ningui» nirca.
Cambac huauquicunallatac, cambac huasi ucupuracunallatacmi canta llaquichingapac jatarishca. Paicunaca cambac huashallapimi caparishpa rimarincuna. Chaimanta paicuna sumacta rimacpipish, ama cringuichu.
Trigota jichashpaca, cashatami cosecharca. Paicuna allpapi shaicushpa trabajashcaca yangami carca. Ñuca nina japiric shina, yallita piñarishcamantami paicuna cosechacushpaca pingai tucunga» nirca.
¿Etiopiamanta runaca yurac tucui pudinchu? ¿Muru leonpish shuctac color tucui pudinchu? Chashnallatacmi cancunapish mana allita ruhuac cashpaca, allitaca mana ruhuai pudinguichic.
Babilonia llacta muyundi ancho pircapish tucuimi tuñiringa. Jatun pungucunapish uchupami saquiringa. Gentecunaca yangami trabajashca. Ninapi rupachunllami shuctac llacta gentecunapish yallita shaicushca» ninmi.
Chaipi shitashpaca: “Chashnami cai Babilonia llactaca ucuyanga. Ñuca cachashca llaquimantaca jaicapi mana quishpiringachu. Tucuimi chingaringa” ninmi ningui» nirca. Jeremías huillashcaca caicamanllami.
¿Manachu tucui ñucanchicca shuclla taitata charinchic? ¿Manachu shuclla Dios ruhuashca canchic? Chashna cashpaca, ¿ima nishpatac ñucanchicca caishuc chaishuc mana cazunacushpa, ñaupa taitacunahuan ari nishcataca yangapi churanchic?
Tucui chai quipa mirai israelcunapish huañushpaca paicunapac taitacunahuanmi tandarigrirca. Chai quipaca Mandac Diostapish, israelcunaman imata Mandac Dios ruhuashcata mana ricsic gentecunami mirarirca.
Cashcata ruhuaccunaca allicunatacmi ruhuanata yuyancuna. Ashtahuanpish Diosta mana manchaccunaca llullashpami yuyaita cuncuna.
Ñuca acllashcacunaca ñucata mana ricsic yuyai illaccunami. Ñuca huahuacunaca imatapish mana yachac, imatapish mana entendiccunami. Millaita ruhuanataca allita yachancunami. Ashtahuanpish allita ruhuanataca mana yachancunachu.