JEREMÍAS 9:22 - Dios Rimashcata Quillcashcami

²² Mandac Diosca: «Huañushcacunaca huanuta pambapi shitashca shinami siricun. Trigota cosechashca quipa trigo umata pipish mana japishca shinami siricun» nirca.

JEREMÍAS 9:22 Referans Kwoze

JEREMÍAS 8:2

Chaicunataca jahua pachapi tiyac inti, quilla, lucerocuna ucupimi tendishpa churanga. Paicuna causacushpaca chaicunatami cuyashpa, alli nishpa causarca. Shinallatac chaicunamanmi tapuc carca. Tullucunataca pi mana tandashpa enterrangachu. Ashtahuanpish allpapimi huanu tucunga.

JEREMÍAS 25:33

Chai punzhapica Mandac Dios huañuchishcacunaca tucui cai pachapimi shuc ladomanta caishuc ladocaman shitashca siricunga. Chai huañushcacunamantaca pipish mana huacangachu, mana tandachingachu, mana enterrangachu. Chai huañushcacunaca cai allpapica huanumi tucunga.

SOFONÍAS 1:17

Mandac Diosca: «Runacuna juchata ruhuashpa ñucata piñachishcamatami yallita llaquichisha. Paicunaca ñahui mana ricuc shinami, musparishpa puringa. Paicunapac yahuarpish polvo shinami talliringa, aichapish mapa shinami urmanga» ninmi.

JEREMÍAS 16:4

yalli nanai ungüicunahuanmi huañunga. Chai huañushcacunamantaca pi mana huacangachu, shinallatac mana enterrangachu. Allpapimi huanu tucunga. Paicunaca jatun macanacuipi yalli yarcaihuanmi tucuringa. Chai huañushcacunataca volac animalcuna, sacha animalcunami micunga nini» nirca.

ISAÍAS 5:25

Mandac Diosca nina japiric shina piñarishpami pai acllashcacunata llaquichirca. Urcucunapish chucchungami. Huañushcacunaca imapish mapa shinami chaupi ñancunapi shitashca canga. Chashna ruhuashpapish pai yallita piñarishcataca mana pasachingachu. Ashtahuanpish llaquichingatacmi.

SALMOS 83:10

Paicunaca Endor pueblopi huañushpami, allpapi shitana huanu shina tucurcacuna.

JEREMÍAS 7:33

Chai cuerpocunataca volac animalcuna, pambata puric animalcunami micunga. Chai animalcuna micucucpica, pi mana manchachingachu.

2 REYES 9:37

Jezabelpac cuerpoca chai pambapi yanga shinami Jezreel pambapica siricunga. Chaimantami paitaca pipish: ‘Caica Jezabel huarmipac cuerpomi mana ningacuna’ nishca canga” ninmi— nirca.

JEREMÍAS 6:21

Chaimantami Mandac Diosca: «Cai gentecunamanca mitcarinatami churagrini. Chaipi mitcarishpami taitacunapish, churicunapish, vecinopish, shuctac gentecunapish huañunga» nin.

DEUTERONOMIO 8:17

Chaimanta pacta cancunapac shungupi: “Ñucanchic sinchi cashcamanta, ñucanchic sinchi maquimantami caicunataca charinchic” ninguichicman.

2 REYES 20:13

Ezequiasca paicuna chayacpica, yalli valiccunahuan allichishca ucutapish, cullquitapish, curitapish, mishquilla ashnacuc jambicunatapish, yalli valishca aceitetapish, macanacunata huacaichina ucutapish, ima tiyashcacunatapish tucuimi ricuchirca. Ezequiasca imata mana pacashpami, paipac huasipi, pai mandacuc llactacunapi tucui ima tiyashcata ricuchirca.

2 REYES 20:15

Shina nicpimi, cutinllatac tapushpaca: —¿Cambac huasipica imatatac ricurcacunayari?— nirca. Shina nicpimi Ezequiasca: —Ñuca huasipica tucui ima tiyashcatami ricurcacuna. Allichishca huasipi ima tiyashcataca imata mana pacashpami ricuchircani— nirca.

JOB 5:13

Jatun yachaccunataca paicunapac yachashcallapitacmi urmachin. Millaita ruhuaccunataca paicuna yuyarishcatami pandachin.

SALMOS 49:7

Shina cashpapish chai charishcahuanca pita mana quishpichi pudinchu. Shinallatac paipish Diosman imata cushpa mana quishpiri pudinchu.

PROVERBIOS 18:11

Chayuc runapac charishcaca muyundita pircashca pueblo shinami. Paipac yuyaipica jahuacaman jatunta pircashca shinami.

PROVERBIOS 23:4

Ama chayucyanallata munanguichu. Chai munaita saquishpa, alli yuyaihuan puringui.

HABACUC 1:11

Chai quipaca acapana huaira shina yaicushpami, tucui tucuchinga. Paicunapac diosca fuerzami can» nirca.