JEREMÍAS 9:21 - Dios Rimashcata Quillcashcami

²¹ Huañuica ñucanchic ventanacunatami mandashpa tiyarina ucuman yaicushca. Chashnami ñancunapi puric huahuacunatapish, plazacunapi puric huambracunatapish tucuchishca» nircani.

JEREMÍAS 9:21 Referans Kwoze

JEREMÍAS 6:11

Chaimantami can Mandac Dios piñarishca shinallatac ñucapish yallita piñarishpa, mana ricunayachini» nircani. Shina nicpimi, Mandac Diosca: «Ñanpi puricuc huahuacunatapish, tandanacushca mosocunatapish llaquichi. Cusapish, huarmipish, tauca huatayuc yuyacpish, prezu apashcami canga.

JEREMÍAS 15:7

Ñuca acllashcacunaca huairachinahuan huairachic shina, llactamanta llucshishpa cachacpipish, huahuacuna illacta saquicpipish millaita ruhuanata mana saquircachu.

2 CRÓNICAS 36:17

Mandac Diosca chashna yallita piñarishpami, Judá llactapi causaccunata llaquichichunca, caldeocunata jatun mandacta cacharca. Paimi quipa huiñai mosocunatapish, carihuan manarac chayarishca solteracunatapish, yuyaccunatapish, ungushcacunatapish mana llaquishpa, Diospac huasi ucullapitac huañuchirca. Chashnami tucui paicunataca jatun mandacpac maquipi churarca.

ISAÍAS 40:30

Huambracunapish shaicunmi, mosocunapish shaicushpa urmanllami.

JEREMÍAS 6:21

Chaimantami Mandac Diosca: «Cai gentecunamanca mitcarinatami churagrini. Chaipi mitcarishpami taitacunapish, churicunapish, vecinopish, shuctac gentecunapish huañunga» nin.

JEREMÍAS 18:21

Chaimanta paicunapac churicunata yarcaipi, jatun macanacuipi huañuchichun saquiyari. Huarmicunatapish huahua illac, cusa illac saquirichun, cusacunataca jatun macanacuipi huañuchichun, mosocunatapish espadahuan chugrichichun saquiyari.

JEREMÍAS 44:7

Cunanca, tucuita Mandac Diosca cancunataca: «¿Ima nishpatac cancunapac llaquipacllatac yalli mana allicunata ruhuanguichic? Chaimantami Judá llactapi causacpurapica caricunapish, huarmicunapish, huambracunapish, chuchucuc huahuacunapish huañushpa tucuricun.

JEREMÍAS 50:30

Chaimantami paicunapac quipa huiñaicunataca plazacunapi huañuchinga. Chaitaca Mandac Dios ñucami nini.

JOEL 2:9

Llactapi caiman chaiman rishpami, pirca huasi jahuaman huichicushpa, shuhuaccuna shina ventanacunata yaicunga.

AMÓS 6:9

Chai punzhapica chunga runacuna shuc huasipi saquirishpaca huañungami.

JEREMÍAS 7:33

Chai cuerpocunataca volac animalcuna, pambata puric animalcunami micunga. Chai animalcuna micucucpica, pi mana manchachingachu.

JEREMÍAS 8:2

Chaicunataca jahua pachapi tiyac inti, quilla, lucerocuna ucupimi tendishpa churanga. Paicuna causacushpaca chaicunatami cuyashpa, alli nishpa causarca. Shinallatac chaicunamanmi tapuc carca. Tullucunataca pi mana tandashpa enterrangachu. Ashtahuanpish allpapimi huanu tucunga.

AMÓS 5:2

¡Carihuan manarac chayarishca soltera shina israelcunaca, jaicapi mana cutin jataringapacmi urmashca! Pipish mana jatarichishcami pambapi siricun.

SOFONÍAS 1:17

Mandac Diosca: «Runacuna juchata ruhuashpa ñucata piñachishcamatami yallita llaquichisha. Paicunaca ñahui mana ricuc shinami, musparishpa puringa. Paicunapac yahuarpish polvo shinami talliringa, aichapish mapa shinami urmanga» ninmi.