JEREMÍAS 8:3 - Dios Rimashcata Quillcashcami

³ Chai millaita ruhuac runacunataca caita chaitami shic-huashpa cachasha. Cutin chai saquirishcacunaca causanapac randica, huañuimi ashtahuan munanga. Chaitaca tucuita Mandac Dios ñucami nini.

JEREMÍAS 8:3 Referans Kwoze

APOCALIPSIS 9:6

Chai punzhacunapica ima shinapish huañunatami gentecunaca yuyanga. Shina yuyacushpapish mana huañungacunachu. Paicuna huañuita munacucpipish, huañuica mana chayangachu.

JEREMÍAS 29:14

Cancunaca taringuichicmi. Prezumanta cutichimushpami, ñuca llucchishpa cachashcacunataca tucui llactacunamanta tandachisha. Maimanta ñuca llucchishpa cachashca pushtullamantacmi cutichimusha. Chaitaca Mandac Dios ñucami nini.

JEREMÍAS 23:8

Ashtahuanpish: “¡Israelcunapac huahua huahuacunata jahuamanta, tucui llucchishpa cachashca llactacunamanta cutichimuc Mandac Diospac shutipimi ari nini!” ningacuna. Shina cutichimucpimi, paicunapac llactallapitac causanga» ninmi.

JEREMÍAS 23:3

Shuctac llactaman ñucallatac cachashca ovejacunamanta saquirishca ovejacunataca ñucallatacmi cutin tandachisha. Shina tandachishpami, paicuna causacushca pushtullamantac cutichimusha. Chaipi causashpami achcata miranga.

DEUTERONOMIO 30:4

Cai pachapi tiyac ashtahuan caru llactamantapish Mandac Diosca mashcashpa tandachimungami.

JONÁS 4:3

Cunanca, Mandac Dioslla, ñuca causaita quichuilla. Causanapac randica huañuimi ñucamanca ashtahuan alli— nirca.

DANIEL 9:7

Mandac Dioslla, canca cashcata ruhuacmi cangui. Ñucanchicca cunan punzhapi shina pingaichishca cangapacllami canchic. Judá llactapi, Jerusalenpi, cuchullapi causac, carupi causac tucui israelcunapish, canta mana cazushcamanta tucui cai pachata catishpa cachashcacunapish chashnami tucushun.

DEUTERONOMIO 30:1

Ñuca huillashca shina, tucui llaquicuna pactashca quipa, maldiciashca quipa, bendiciashca quipaca Mandac Dios llucchishpa cachashcacunaca maipi cashpapish caita yuyarishpa llaquiringuichic.

APOCALIPSIS 6:16

Chaipimi paicunaca urcucunatapish, rumicunatapish rimashpaca: «Mandashpa tiyarinapi tiyacucpac ñaupamanta, shinallatac Pactalla Oveja piñarishpa jatun llaquita cachanamantapish, ¡ñucanchic jahuapi urmashpa pacaichicyari!

JEREMÍAS 40:12

Chaimantami Judá llactamanta llucchishpa cachashca gentecunaca chai pushtullamantac cutirca. Paicunaca Gedaliaspacmanmi Mizpa llactaman shamurca. Chaipimi usyai punzhacuna tiyac vinotapish, ima shuctac granotapish achcata tandachirca.

JEREMÍAS 29:28

Paica Babilonia llactapi causaccunaman quillcashpaca: ‘Chai llactapica unai huatatami prezu causagringuichic. Huasicunata shayachishpami, chaipi causaichic. Huertacunata ruhuashpa, chaipi pucushcata micuichic’ nishpami cacharca” ningui» nirca.

1 REYES 19:4

Paica shitashca pambata tucui punzha rishpami enebro yura ucuman chayashpa tiyarirca. Pai huañunata munashpaca: «¡Mandac Dioslla, caicamanllami causanata munani! ¡Ñuca causaita quichuilla! ¡Ñucaca ñaupa taitacunata yalli ashtahuan allipish mana canichu!» nirca.

JEREMÍAS 6:9

Tucuita Mandac Diosca: «Saquirishca israelcunataca uvasta pallashca quipa, ramacunata tigrashpa cutin mashcashpa pallac shinami mashcanga» ninmi.

AMÓS 3:1

Israelcunalla, Egiptomanta llucchimuc, cancunata Mandac Dios rimarishcata uyaichic. Paica:

MIQUEAS 2:3

Chaimantami Mandac Diosca: «Riquichic, ñucapish paicunataca yallita llaquichinatami yuyarishcani. Chai llaquimantaca shucllapish mana atingachu. Mana jatun tucushpa puringachu. Chai punzhaca yalli llaquimi canga.

LEVÍTICO 26:33

Cancunataca espadahuan llaquichishpami caita chaita catishpa cachasha. Cancunapac causana llactaca shitashcami saquiringa. Cancunapac causana pueblocunapish llaquinayaitami tucuchishca saquiringa.

JEREMÍAS 44:2

«Israelcunapac tucuita Mandac Diosca: Jerusalenpi causaccunatapish, Judá llactacunapi causaccunatapish tucuilaya llaquicunahuan ñuca llaquichishcataca cancunallatacmi ricushcanguichic. Cunan punzhapica cai llactacunaca tucuchishcami. Pipish mana causanchu.

JEREMÍAS 44:6

Chaimantami nina japiric shina piñarishpa, Judá llactacunapipish, Jerusalén callecunapipish rupachic shina llaquichircani. Chai llactacunaca cunan punzhacamanmi tucuchishca, shitashca pamba siricun» ninmi.