JEREMÍAS 7:14 - Dios Rimashcata Quillcashcami

¹⁴ Chaimantami cancuna shunguta churashpa, ñuca shutita mañana huasitaca Silo llactata shinallatac ruhuagrini. Cai huasitaca cancunamanpish, cancunapac ñaupa taitacunamanpishmi curcani.

JEREMÍAS 7:14 Referans Kwoze

JEREMÍAS 7:4

Maijancuna: ‘¡Caica, Mandac Diospac huasimi! ¡Mandac Diospac huasimi! ¡Caica, Mandac Diospac huasimi!’ nicpipish, ama cringuichicchu.

JEREMÍAS 7:10

Cancunaca, ¿chashna causacushca jahuachu ñuca shutipi mañana huasiman shamushpa, ashtahuan millaicunata ruhuashpa: ‘Ñucanchicca quishpirishcami canchic’ ninguichic?

SALMOS 78:60

Chaimantami Silo pueblo gentecunapac chaupipi cac paipac carpa huasitaca saquirca.

2 REYES 25:9

Chashna shamushpami, Mandac Diospac huasitapish, mandana huasitapish, Jerusalenpi tucui huasicunatapish, mandaccunapac tucui huasicunatapish rupachirca.

DEUTERONOMIO 28:52

Chai gentecunaca tucui cancuna causana llactacunata jarcachishca jatun pircacuna, tucui urmangacamanmi muyunacunga. Chai jarcachishca pircacunahuanca cushillami carcanguichic. Mandac Dios cushca tucui cancunapac llactacunatapish, llactacunatapishmi muyunacushpa shayacunga.

EZEQUIEL 24:21

“Mandac Diosca israelcunataca: Riquichic, cancunapac sumaimana ricucunalla, fuerzata japina, shungupi cushicuna ñuca huasitaca yangapimi churasha. Shinallatac saquirishca cancunapac churicunatapish, ushicunatapish espadahuanmi huañuchinga.

LAMENTACIONES 4:1

¡Curipish ima shinami yanayashca! ¡Sumac curipish ima shinami mapayashca! Diospac huasi rumicunapish, calle esquinacunapimi shic-huashca siricun.

LAMENTACIONES 2:7

Mandac Diosca paipac altarta shitashpami paipaclla huasitapish millanayachirca. Mandashpa tiyana huasitapish, jatun pircacunatapish urmachichunmi piñaccunapac maquipi churarca. Mandac Diospac huasipica fiesta punzhacunapi shinami, caparinacushca uyarirca.

JEREMÍAS 26:18

«Judá llactata jatun mandac Ezequías mandacui huatacunapimi, Moreset llactamanta huillac Miqueas Judá llactapi tucui causaccunaman Dios huillashcata huillarca. Pai huillashpaca: “Tucuita Mandac Diosca: Sión urcuca tarpuna allpa tucushpami yapushca canga. Jerusalenca rumi montón shina, ñuca huasi shayacuc lomaca sacha urcumi tucunga” ninmi.

JEREMÍAS 7:12

Ñaupa punzhacunapi ñuca shutita causachun churashca Silo llactaman richic. Chaipi ñuca acllashca israelcuna mana allita ruhuashcamanta ñuca imata ruhuashcata ricuichic.

ISAÍAS 64:11

Ñucanchic taitacuna can Diosta alli nina cambaclla huasipish rupashcami siricun. ¡Ñucanchic charishca sumaccunapish tucuimi tucurishca!

2 CRÓNICAS 7:21

Cai sumaimana huasi urmashcata ricushpaca, pipish caita pasaccunaca mancharishpami: “Mandac Diosca, ¿ima nishpatac cai llactatapish, cai huasitapish chashna ruhuanyari?” ninga.

DEUTERONOMIO 12:5

Ashtahuanpish Mandac Dios, paipac shutita causachun churangapac acllashca pushtuman rishpa, chaipi paitaca alli nina canguichic.

JEREMÍAS 23:39

cancunataca shitashpami saquisha. Cancunatapish, cancunaman, cancunapac taitacunaman cushca llactatapishmi ñuca ñaupamanta tucui chingachisha.

EZEQUIEL 23:31

Cambac ñaña shinallatacmi mana allita ruhuashpa causarcangui. Chaimantami cambac ñañaman cushca ubiana shina llaquillatatac canmanca cusha.

JEREMÍAS 12:7

Ñuca acllashcacunatapish, ñuca acllashca llactatapish shitarcanimi. Ñuca yallita cuyashcacunataca paicunata piñaccunapac maquipimi churarcani.

JEREMÍAS 26:4

Paicunataca: “Mandac Diosca: Ñuca rimashcata mana uyashpa, cancunapac ñaupapi ñuca churashca mandashcacunata mana cazucpi,