JEREMÍAS 6:7 - Dios Rimashcata Quillcashcami

⁷ Yacu tucyacuc shinami, cai llactapica millaita ruhuana yuyaica tiyan. Shuctac llaquichinallata, millaita ruhuanallatami parlanacun. Punzhantami ñuca ñaupapica ungushcacunapish, chugrichishcacunapish ricurin.

JEREMÍAS 6:7 Referans Kwoze

EZEQUIEL 7:23

Caipi causaccunaca llaquichina yuyai jundami, cai llactapi causaccunaca huañuchina yuyaillami. Chaimanta canca fierro cadenata ruhuangui.

EZEQUIEL 7:11

Millaita ruhuanaca yuracuna huiñac shinami mirashca. Paicunaca achca cashpapish, shucllapish mana saquirishpami tucui tucuringa. Ima charishcapish tucuimi chingaringa.

JEREMÍAS 20:8

Ñuca caparishpa huacashpaca: «Yalli llaquichinallata, tucurinallatami» huillacuni. Mandac Dioslla, can rimashcata huillacpica, punzhantami rimashpa, pingaichishpa asincuna.

ISAÍAS 57:20

Diosta mana cazuccunaca mama cucha huacyashpa, turuta, arenata shitacuc shinami.

EZEQUIEL 24:7

Cai llactaca yahuarpi cahuirishcami. Chai yahuarta allpa tapachunpish mana allpapi tallircachu, ashtahuanpish llambuclla rumi jahuapimi tallishca.

PROVERBIOS 4:23

Tucuimanta yallica cambac shunguta cuidangui. Shungumantami causaica tiyan.

ISAÍAS 59:6

Paicuna ahuashca telaca churaringapacpish mana valinchu. Paicuna imata ruhuashcahuanca mana tapari pudingachu. Imata ruhuashpapish mana allillatami ruhuan. Paicunapac maquicunaca imatapish llaquillatami ruhuan.

JEREMÍAS 30:12

Mandac Diosca: «Cambac llaquica mana allichipacchu. Cambac chugrica mana jambipacmi.

JEREMÍAS 30:13

Cambac llaquita ricushpa allichicca pipish mana tiyanchu. Chugrita alliyachingapacca imapish mana tiyanchu.

JEREMÍAS 32:31

Cai llactaca callarishca punzhamanta cunan punzhacamanmi ñucata llaquichishpa, piñachishpa causacun. Chaimantami ñucapac ñaupamanta anchuchigrini.

EZEQUIEL 45:9

Mandac Diosca: ¡Israel llactata mandaccunalla! ¡Llaquichinatapish, shuhuanatapish ña saquichic! ¡Ashtahuanpish imapish allita, cashcata ruhuaichic!

ISAÍAS 1:6

Chaquimanta umacamanmi chugrishca, punguishca, sisushca canguichic. Cancunapac cuerpoca tucui ungushcallami. Pipish mana jambishca, mana huatachishcami canguichic. Aceiteta churashpapish pi mana chiriyachishcachu.

JEREMÍAS 8:22

¿Manachu Galaad llactapi bálsamo tiyan? ¿Imamantatac ñuca llactapi causaccunata jambingapacca, ima jambipish mana tiyan?

JEREMÍAS 30:15

Canllatac yalli mana allita ruhuashcamanta, yalli juchayuc cashcamantami llaquichircani. Cambac nanaica mana jambipacchu. ¿Ima nishpatac yallita caparicungui?

EZEQUIEL 21:29

Paicunaca llullashpami huillan. Yangallami adivinan. Paicuna mana allita ruhuashcamanta huañuchishpa tucuchina punzhami chayamushca.

SOFONÍAS 3:1

¡Aij, Jerusalenlla, shuccunata llaquichiccuna, mana cazuccuna, juchata ruhuashpa mapayashcacunami!