JEREMÍAS 6:17 - Dios Rimashcata Quillcashcami

¹⁷ Torre jahuapi chapaccunata churashpaca: “¡Cornetapi tocashcata uyaraichic!” nircanimi. Shina nicpipish cancunaca: “Mana uyashun ninchicchu” nircanguichicmi.

JEREMÍAS 6:17 Referans Kwoze

JEREMÍAS 25:4

Mandac Dios pai ima nishcata huillaccunata tauca cutin cancunapacman cachacpipish, mana uyasha nishpami causarcanguichic.

ISAÍAS 58:1

Mandac Diosca: «¡Sinchita caparishpa huillaiyari! Trompetapi tocac shina mana manchashpa capariyari. ¡Ñuca acllashcacuna mana cazushcatapish, Jacobopac huahuacuna juchata ruhuashcatapish huillaiyari!

ZACARÍAS 7:11

Shina nicpipish, mana uyashun nircachu. Ashtahuanpish huashaman tigrarishpa, mana uyasha nishpami, ringrita taparca.

ISAÍAS 21:11

Duma llacta llaqui tucunamanta huillashcami. Seir llactamantaca: «Chapac runa, ¿ñachu pacarimun? Chapac runa, ¿ñachu achicyagrin?» nishpami caparirca.

HABACUC 2:1

Cuidac runa shinami chaparacusha. Torre jahuapimi chapashpa shayacushalla. Ñuca caparishpa mañashcata uyangacamanmi chaparacushalla.

ISAÍAS 56:10

Israelcunata chapac runacunami ñahui mana ricuccuna shina, imata mana yachaccuna can. Paicunaca mana ladranata pudic allcucuna shinami, upalla siricun. Sueñunallatami munancuna.

HEBREOS 13:17

Cancunata pushaccunata cazuichic. Diosca paicunatami cancunamanta tapunga. Chaimantami paicunaca mana samarishpa cancunataca ricuracun. Paicuna mana llaquirishpa, cushilla servichunca, paicunahuan alli caichic. Chaimi paicunamanca alli canga.

OSEAS 8:1

Mandac Diosca: «¡Ñuca huasitaca angacuna shinami, llaquichingapac shamun! ¡Chaimanta trompetapi tocashpa macanacuita huillaiyari! Ñucahuan ari nishcata paquishpami ñuca mandashcata mana cazurca.

ISAÍAS 62:6

Jerusalenlla, cambac muyundi pircapica cuidaccunatami churarcani. Paicunaca tutai punzha mana upalla cangachu. ¡Mandac Diosta yuyarishpa causaccunaca manatac samaringuichicchu!

JEREMÍAS 6:18

Chaimantami Mandac Diosca: «Cai llactapi causaccuna uyaichic. Tandanacushca gentecunapish ima tucuna cashcata alli yuyarichic.

JEREMÍAS 7:28

Chaimantami canca: “Cai llactapi causaccunaca paicunata Mandac Diostaca mana cazurcacunachu. Allita ruhuachun yachachishcatapish mana uyarcacunachu. Paicunaca cashcata ninataca saquishcami” ningui» nirca.

ZACARÍAS 1:4

Ama cancunapac ñaupa taitacuna shina causaichicchu. Paicunaman ñuca ima nishcata utcapi huillachishpaca: “Mandac Diosca: Mana alli ñanta catinata, mana allita ruhuanacunata saquichic” nishpami huillarcani. Shina huillacpipish, mana cazushpa, ñucamanta huillashcata mana uyasha nircanguichicchu.

JEREMÍAS 8:5

¿Ima nishpatac Jerusalenpi causac cancunaca tucui causaipi ñucata mana cazushpa causanguichic? ¿Ima nishpatac pandarishpalla causashpa, ñucapacman cutinataca mana munanguichic?

JEREMÍAS 18:12

Ashtahuanpish paicunaca: “Ñucanchic dioscunatami catishun. Quiquin munashcatami ruhuashun. Ñucanchic shungu yuyashcatami ruhuashun. Ñucanchictaca mana jarcai pudinguichu, yangallami rimacungui” ningami» nirca.

EZEQUIEL 3:7

Ashtahuanpish israelcunaca can rimashcataca mana uyasha ningacunachu. Paicunaca ñuca rimashcataca mana munancunachu. Tucui israelcunami sinchi umacuna, rumi shungucuna can.