JEREMÍAS 52:9 - Dios Rimashcata Quillcashcami9 Chaimantami jatun mandactaca prezushpa, Babilonia llacta jatun mandacpacman Hamat llactapi cac Ribla llactaman aparca. Chaipimi paitaca ima shina llaquichinata mandarca. Gade chapit la |
Chai punzhacunapi Salomonca Mandac Diospac ñaupapica canchis punzhata jatun fiestata ruhuarca. Lebo-hamat puebloman yaicuna ladomantaca Egipto llacta jatun huaicu ladocunaman causacuc tucui israelcunandimi tandanacushpa, canchis punzhata fiestata ruhuarca. Chai quipapish canchis punzhatami fiestata ruhuarca. Tucui chunga chuscu punzhatami, fiestata ruhuarca.
Chai quipaca Judá llactata jatun mandac Sedequiastapish, paita serviccunatapish, shuctac gentecunatapish, chai ungüihuan, yarcaihuan mana huañushpa, cai llactapi saquirishcacunatapish, jatun macanacuipi mana huañushcacunatapish Babilonia llactata jatun mandac Nabucodonosorpac maquipimi churasha. Paicunata piñashpa, huañuchinata munaccunapac maquipi churacpica, mana llaquishpami espadahuan huañuchinga. Shucllatapish mana saquingachu. Shucllatapish mana llaquingachu” ninmi ninguichic.
Canta llaquichingapacca, jahua ladomantami macanacuna carretacunata, micunata apac carretacunata apashpa, muyunacushpa shamunga. Chashnami jatun escudocunahuan, uchilla escudocunahuan, umapipish fierro churanata churarishca cambac ladopi shayaringa. Paicunaca ñuca llaquichichun cachacpimi, paicunapac mandashcacunapi nishca shina cantaca taripashpa llaquichinga.