JEREMÍAS 52:8 - Dios Rimashcata Quillcashcami

⁸ Ashtahuanpish caldeocuna catishpa rishpami, jatun mandac Sedequiastaca Jericó pambapi japirca. Paita japicpica, tucui soldadocunami shitashpa rirca.

JEREMÍAS 52:8 Referans Kwoze

JEREMÍAS 38:23

Cambac huarmicunata, huahuacunatami caldeocunaca caimanta apanga. Canca paicunapac maquimantaca manatac quishpiringuichu. Ashtahuanpish Babilonia llactata jatun mandacpac maquipimi, prezu japi tucungui. Cai llactapish tucui rupachishcami canga— nirca.

JEREMÍAS 34:21

Judá llactata jatun mandac Sedequiastapish, pai churashca mandaccunatapish, paita piñashpa huañuchinata munaccunapac, cancunapac ñaupamanta rishca Babilonia llactata jatun mandacpac soldadocunapac maquipimi churasha.

JEREMÍAS 32:4

Judá llactata jatun mandac Sedequiasca caldeocunapac maquimantaca manatac ati pudingachu. Paica Babilonia llactata jatun mandacpac maquipi churashcatacmi canga. Chai mandac-huanca ñahui ñahui chimbapurashpami shayaringa.

JEREMÍAS 21:7

Chai quipaca Judá llactata jatun mandac Sedequiastapish, paita serviccunatapish, shuctac gentecunatapish, chai ungüihuan, yarcaihuan mana huañushpa, cai llactapi saquirishcacunatapish, jatun macanacuipi mana huañushcacunatapish Babilonia llactata jatun mandac Nabucodonosorpac maquipimi churasha. Paicunata piñashpa, huañuchinata munaccunapac maquipi churacpica, mana llaquishpami espadahuan huañuchinga. Shucllatapish mana saquingachu. Shucllatapish mana llaquingachu” ninmi ninguichic.

JEREMÍAS 39:5

Shina ricpipish, caldeo soldadocuna cati rishpami, Sedequiastaca Jericó pambapi japirca. Chaipi japishpaca Hamat llactapi tiyac Ribla llactamanmi Babilonia llactata jatun mandac Nabucodonosorpacman aparca. Chaipimi paita llaquichichun churarca.

JEREMÍAS 37:18

Shinallatac Jeremiasca jatun mandac Sedequiastaca: —Ñucata carcelpi churachunca, ¿ima mana allitatac cantapish, canta serviccunatapish, cai gentecunatapish, ruhuarcaniyari?

JEREMÍAS 37:17

Jatun mandac Sedequías Jeremiasta carcelmanta llucchimushpa, paipac huasipi pacalla tapushpaca: —¿Mandac Dios ima nishcata chasquircanguichu?— nirca. Shina tapucpimi Jeremiasca: —Ari, chasquircanimi. Babilonia llactata jatun mandacpac maquipimi churashca cagringui— nirca.