JEREMÍAS 52:12 - Dios Rimashcata Quillcashcami

¹² Jatun mandac Nabucodonosorca Babilonia llactata chunga iscun huata, pichca quilla, chunga punzhata mandacushpami paipac ñaupapi servishpa causac soldadocunapac mandac Nabuzaradanhuan Jerusalenman rirca.

JEREMÍAS 52:12 Referans Kwoze

2 REYES 25:8

Babilonia llactata jatun mandac Nabucodonosor chunga iscun huata, pichca quilla, sucta punzhata mandacucpimi, paipac soldadocunata mandac paita servic Nabuzaradanca Jerusalenman shamurca.

ZACARÍAS 8:19

«Judá llactapi causaccuna chuscu quillapi, pichca quillapi, canchis quillapi, chunga quillapi ayunanaca yallita cushicuna fiesta punzhacunami tucunga. Chaimanta cashcata ninata, cushi causaita munaichic» nirca.

JEREMÍAS 52:29

Pai mandacui chunga pusac huatapica pusac patsac quimsa chunga ishcai gentecunatami Jerusalenmanta prezu aparca.

JEREMÍAS 39:9

Soldadocunata mandac Nabuzaradanca Jerusalenpi saquirishcacunatapish, paicuna parte tucushca runacunatapish Babilonia llactamanmi aparca.

2 REYES 24:12

Chaimantami Judá llactata jatun mandac Joaquinca paipac mamandi, paita serviccunandi, pai churashca mandaccunandi, caishuc mandaccunandi jatun mandac Nabucodonosorpac maquipi prezu yaicurca. Jatun mandac Nabucodonosor Babilonia llactata pusac huatata mandacucpimi, chashnaca tucurca.

JEREMÍAS 52:14

Tucui paipac soldadocunahuanmi Jerusalén muyundi jatun pircacunataca tucui urmachirca.

GÉNESIS 37:36

Madianitacunaca Josetaca Egiptopimi soldadocunata mandac Faraonta servic Potifarman caturca.

ESDRAS 5:12

Ashtahuanpish ñucanchic ñaupa taitacuna jahua pachapi causac Diosta yallita piñachishcamantami paica Babilonia llactata jatun mandac caldeocunapuramanta Nabuconodosorpac maquipi churashca. Shina churacpimi, cai huasitaca tucui urmachishpa, gentecunataca Babilonia llactaman prezu apashca.

NEHEMÍAS 2:3

jatun mandactaca: —Jatun mandaclla, huiñaita causangui. Ñaupa ñuca taitacunata enterrashca puebloca shitashca pamba shinami, saquirishca pueblo pungucunatapish rupachishcami. Chaimantaca ¿Ima shinatac mana llaquilla cashayari?— nircani.

SALMOS 79:1

Sumac Dioslla, shuctac llacta runacunami cambac llactata quichungapac shamushca. Cambaclla huasitapish mapayachishpami Jerusalén pueblotapish urmachishpa rumi montonta ruhuashpa saquishca.

DANIEL 1:1

Judá llactata jatun mandac Joacim quimsa huatata mandacucpimi, Babilonia llactata jatun mandac Nabucodonosorca Jerusalenman paipac soldadocunahuan shamushpa muyundita shayarirca.

JEREMÍAS 1:3

Josiaspac churi jatun mandac Joacim Judá llactata mandacui huatamanta Josiaspac churi jatun mandac Sedequías Judá llactata chunga shuc huata mandangacamanmi Jeremiasmanca huillarca. Chai huata, pichca quillapimi, Jerusalenpi causaccunata prezu apashca carca.

JEREMÍAS 32:29

Cai llactata llaquichic caldeocuna shamushpami, ninata japichishpa, tucui huasicunata rupachinga. Shinallatac ñucata piñachishpa, chai huasi jahuapi Baal diosman inciensota rupachina pushtutapish, shuctac dioscunaman vinota cushpa tallina pushtutapish tucui rupachinga.

JEREMÍAS 39:11

Jeremiasta cuidachun nishpami Nabucodonosorca soldadocunata mandac Nabuzaradantaca:

DANIEL 2:14

Jatun mandacta cuidaccunata mandac Arioc Babiloniapi causac yachaccunata huañuchingapac llucshicpimi, Danielca yallita yuyarishpa, mandac Arioc-huan parlangapac rirca.