JEREMÍAS 51:55 - Dios Rimashcata Quillcashcami

⁵⁵ Chaica, Mandac Diosmi Babilonia llactata tucuchishpami, caparinacushcatapish upallachinga. Paicunata piñaccunaca mama cucha shinami jataringa. Manchanayaita yacu huacac shinami shamun.

JEREMÍAS 51:55 Referans Kwoze

JEREMÍAS 25:10

Paicunapurapica cushicushpa asinapish, cantanapish, cushicuihuan caparinapish, noviocuna, noviacuna cushicushpa cantanapish mana tiyangachu. Cutana rumi huacashcapish mana uyaringachu. Luzpish mana tiyangachu.

APOCALIPSIS 17:15

Cutinllatacmi angelca: «Chai cullquimanta huainayac huarmi tiyacushca yacucunaca aillucuna, taucalaya gentecuna, taucalaya rimaita rimaccuna, shinallatac llactacunami can.

SAN LUCAS 21:25

Intipipish, quillapipish, lucerocunapipish jaicapi mana ricushcacunami ricuringa. Cutin cai pachapica mama cucha yallita cuyurishpa huajiacta ricushpami yallita mancharishpa, yuyaita chingachinga.

EZEQUIEL 26:3

Chaimantami Mandac Dios ñucaca: Tiro llactahuanca piñarishcami cani. Ñucami canta llaquichichun llactacunata cachagrini. Paicunaca mama cucha jatarishpa shamuc shinami tucuchinga.

JEREMÍAS 51:42

Mama cucha yacumi Babilonia llactata tapashca. Manchana yacu jatarishpami tucuchishca.

ISAÍAS 47:5

«Caldeocunapac ushilla, cantaca mana ashtahuan “Llactacunata mandac huarmi” ningachu. Chaimanta amsa tutaman yaicushpa, upalla tiyarilla.

ISAÍAS 17:13

Chai gentecunaca achca yacu huaj nicuc shinami, yallita caparinga. Shina cacpipish, Dios rimashpa jarcacpica, urcupi tiyac ucsha shina, ñuto allpa acapana huairapi shinami, maita miticungapac ringa.

ISAÍAS 15:1

Moab llacta llaqui tucunamanta huillashcami. Shuc tutallapimi Moab llactapi tiyac Ar-moab llactapish, Moab llactapi tiyac Kir-moab llactapish tucuchishca, chunlla saquiringa.

SALMOS 65:7

Mama cucha yalli huaj nicuctapish, yacucuna manchanayaita jataricpipish canmi casillata ruhuangui. Llactacunapi causaccuna caparinacucpipish, canmi upallachingui.

SALMOS 18:4

Huañuchic llaquicunami pilluc shina japirca. Millaicunaca jatun yacu jundac shinami yallita manchachirca.

SALMOS 69:2

Maipi mana shayari pudipac turupimi ucuyashcani. Ñuca chaquihuanpish sinchi allpapi mana tupanichu. Jatun yacuca ucumanmi aisacun.

SALMOS 124:2

«Mandac Dios ñucanchicmanta mana shayarishca cacpica, ¡aij ñucanchiclla! Tucui llactacunapi causaccuna ñucanchic-huan macanacungapac jatarishpaca,

SALMOS 124:4

Jatun yacupimi ucuyanchicman carca. Jatun yacupi apashca shinami canchicman carca.