JEREMÍAS 51:34 - Dios Rimashcata Quillcashcami

³⁴ Jerusalenpi causaccunaca: «Babilonia llactata jatun mandac Nabucodonosormi pandachirca. Ñutuchishpami micurca. Shinami chushaclla platota shina saquirca. Jatun manchana dragón shamushpami, huicsa jundata micuc shinami, ñucanchic charishca sumaccunataca tucuchirca. Chashna micushpaca ñucataca llucchishpami cacharca.

JEREMÍAS 51:34 Referans Kwoze

JEREMÍAS 50:17

Israelcunaca chingarishca ovejacuna shinami. Leoncunami catishpa shic-huarca. Puntaca Asiria llactata jatun mandacmi micurca. Tullucunataca Babilonia llactata jatun mandac Nabucodonosormi paquirca.

JEREMÍAS 51:44

Shinallatac: «Babilonia llactapi cac Bel diosta llaquichishpami, imata micushcatapish huicsamanta llucchisha. Shuctac llactacunaca paipacmanca mana ashtahuan shamungachu. ¡Babilonia llacta muyundi jatun pircaca urmashcami!

SAN MATEO 23:13

¡Mishqui shimi, jayac shungu fariseocunalla, mandashcacunata yachachiccunalla, imachari tucunguichic! Cancunami jahua pacha Dios mandacucman yaicusha niccunata jarcanguichic. Chashnami cancunapish mana yaicunguichic, yaicuchunpish mana saquinguichic.

JOB 20:15

Pai charishcacunata micushca cashpapish arcadangami. Paipac huicsa ucumantami Diosca llucchinga.

NAHÚM 2:2

Mandac Diosmi alli nishca Jacobopac huahuacunatapish, alli nishca israelcunatapish cutin allichinga. Ima charishcacunata shuhuashca cacpipish, ramacuna illac uvas yura shina cacpipish, cutinmi allichinga.

AMÓS 8:4

Cai llactapica imata mana chariccunata, huacchacunata llaquichiccuna caita uyaichic.

EZEQUIEL 36:3

Chaimanta llaqui tucunata huillashpa, Mandac Diosca: Cancunataca tucui ladomanta shamushpa, muyunacushpami tucuchinga. Shuctac llactamanta shamushpami japinga. Cancunataca gentecuna burlana, mana alli ninatami ruhuanga.

LAMENTACIONES 2:16

Tucui piñaccunami canta mana alli nishpa rimarca. Silbashpa, quirucuna canirishpaca: «¡Paitaca millpuc shinami tucuchircanchic! Ñucanchic munashca punzhaca chayamushcatacmi. Caitaca ricushcanchictacmi» ninacurca.

LAMENTACIONES 1:1

¡Achca gentecuna causana Jerusalenca shitashcami saquirishca! Tucui llactamanta yalli jatun llactaca viuda huarmi shinami saquirishca. Sumac soltera shina llactaca impuestota pagacmi tucushca.

JEREMÍAS 51:49

Babilonia llactaca tucui cai pachapi causaccunata llaquichishcamantami tucurca. Chai llactapi causaccunaca israelcunata huañuchishcamantami huañushpa tucuringa» ninmi.

JEREMÍAS 50:7

Ñuca ovejacunataca pipish tarishpaca huañuchircami. Paicunata piñaccunaca: “Caicunata huañuchishcamantaca mana faltayucchu canchic. Paicunallatacmi cuidashpa causac Mandac Diosta mana cazurca. Paicunapac ñaupa taitacuna shunguta churashpa causana Mandac Diostami piñachirca” nirca.

ISAÍAS 34:11

Ashtahuanpish pucucuna, erizo animalcuna, chushiccuna, cuervocunami causanga. Cordelta, nivelta churashpami chai llactataca pichashpa, chushacllata saquinga.

PROVERBIOS 1:12

Seol shinami causacta millpushun. Jatun jutcupi shitac shinami chingachishun.

SALMOS 74:13

Tucuita ruhuac cashpami mama cuchatapish chaupircangui. Yacupi tiyac manchana animalcunatapish umata ñutuchircanguimi.

OSEAS 8:8

¡Israel llactaca tucuchishcami canga! Ñallami shuctac llactacunapac chaupipica paya manga shina tucunga.

ISAÍAS 42:22

Ashtahuanpish cai gentecunaca imatapish quichushca, sarushcami causan. Tucui paicunami jutcucunapi japi tucushpa, prezushca pacalla tiyacun. Paicunata imapish quichushca causachunmi churashca. Paicunata quishpichicca pi mana tiyanchu. Paicunamanta quichushcataca Pi: “¡Cutichichic!” mana ninchu» ninmi.