JEREMÍAS 51:31 - Dios Rimashcata Quillcashcami

³¹ Babilonia llactata japishcata huillaccunapish, cartata saquiccunapish catinacuimi Babilonia llactata jatun mandacpacman ringa.

JEREMÍAS 51:31 Referans Kwoze

2 CRÓNICAS 30:6

Huillangapac riccunaca jatun mandacpac cartatapish, pai churashca mandaccunapac cartatapish apashpami, jatun mandac mandashca shinallatac tucui Israel llactaman, tucui Judá llactaman rircacuna. Chai quillcapica: «Asiria llactata jatun mandaccunapac maquimanta atishca israelcunalla, Abrahampac, Isaacpac, Jacobopac Mandac Diospacman cutirichic. Shina cutiricpica, paipish cancunapacman shamungami.

DANIEL 5:30

Chai tutallatacmi caldeocunata jatun mandac Belsasarca huañurca.

JEREMÍAS 50:43

Babilonia llactata jatun mandac chaita uyashpaca chucchushpami saquirirca. Yallita llaquirishpami, sajuarina nanai huarmita japic shina tucurca.

JEREMÍAS 50:24

Babilonia llactalla, ñucallatacmi tucllata churarcani. ¡Chaipi urmashpa prezu japi tucunataca mana yacharcanguichu! Mandac Dios ñucata mana cazushcamantami chashnaca tucurcangui.

JEREMÍAS 4:20

Yalli llaquicuna shamucushcataca catintami huillan. Tucui llactacunami tucuchishca. ¡Cungaillami ñuca carpa huasicunatapish, cortinatapish lliquishpami tucuchincuna!

JOB 9:25

Ñuca causaica callpac runacunatapish ashtahuan yallimi callpashpa rin. Ima allitapish mana ricushpami callpashca.

ESTER 8:14

Jatun mandac cachacpimi, quillcacunata apaccunaca yallita callpac caballocunapi montashpa, utca rircacuna. Chai mandashcataca mandaccuna tiyana Susa pueblopipish huillarcami.

ESTER 8:10

Chai quillcacunataca jatun mandac Asueropac shutipi quillcashpami, paipac sortejasllahuantac sellashpa quillcata apaccunaman cacharca. Paicunataca jatun mandacpac michina pambacunapi tiyac yallita callpac caballocunapimi cacharca.

JEREMÍAS 50:2

«Llactacunapi caparishpa huillaichicyari. Banderacunata shayachichicyari. Mana pacashpa huillashpa: “Babilonia llactaca shuccunapac maquipimi. Bel diosca yallita pingaimi tucushca. Merodac diospish polvoshcami. Paicunapac ruhuashcalla dioscunapish ñutuchishcami siricun” nishpa caparichicyari.

JEREMÍAS 51:32

Jatun yacu chimba lado pambacunata japishpami, baluartecunapish tucui rupachishca. Soldadocunaca manchaihuanmi chucchucun.