JEREMÍAS 51:3 - Dios Rimashcata Quillcashcami

³ Flechata shitaccuna flechata shitachun. Fierro churanata ama churarichun. ¡Quipa huiñaicunatapish, paicunapac tucui soldadocunatapish tucui huañuchishpa shucllatapish ama saquichunmi mandasha!

JEREMÍAS 51:3 Referans Kwoze

JEREMÍAS 50:14

Babilonia llactapi causaccunahuan macanacungapac muyundita allichirishpa shayarichic. Flechacunahuan shitaccuna ama pandarishpa shitaichiclla. Paicunaca Mandac Diostami piñachirca.

JEREMÍAS 46:4

¡Carretacunata caballopi huataichic! ¡Caballocunapi montaichic! ¡Fierro cascota churarichic! ¡Lanzacunatapish mulaichic! ¡Shunguta pacac fierro churanata churarichic!

JEREMÍAS 50:21

Merataim llactapi causaccunahuan, Pecod llactapi causaccunahuan macanacungapac llucshichicyari. Ñuca mandashca shina, huañuchishpa tucuchichicyari.

SANTIAGO 2:13

Shuccunata mana llaquiccunataca, paicunatapish mana llaquishpami, Diosca taripashpa llaquichinga. Ashtahuanpish shuccunata llaquiccunataca, taripana punzhapica alli ningami.

JEREMÍAS 50:27

¡Paipac soldadocunatapish, huagratapish huañuchichic! ¡Aij, paicunalla, paicunata llaquichina punzhami chayamushca!

JEREMÍAS 9:21

Huañuica ñucanchic ventanacunatami mandashpa tiyarina ucuman yaicushca. Chashnami ñancunapi puric huahuacunatapish, plazacunapi puric huambracunatapish tucuchishca» nircani.

SALMOS 137:9

¡Cambac huahuacunata jatun rumicunapi huactacca alli nishca cachun!

DEUTERONOMIO 32:25

Canzhapica espadacunahuan tucuchinga. Ucupica yalli manchaimi tucuchicunga. Chashnami mosocunatapish, solteracunatapish, chuchucuc huahuatapish, yuyaccunatapish tucuchinga.

JEREMÍAS 51:53

Babilonia llacta muyundi pirca jahua pachaman cacpipish, chaimanmi ñuca cachashca piñaccunaca chayanga.