JEREMÍAS 51:19 - Dios Rimashcata Quillcashcami

¹⁹ Jacobopac Mandac Diosca mana paicuna shinachu. Paica tucuita ruhuac Diosmi. Paipac shutica tucuita Mandac Diosmi. Israelcunaca pai mandana vara shinami.

JEREMÍAS 51:19 Referans Kwoze

JEREMÍAS 10:16

Jacoboman tucuita cuc Diosca mana chai dioscuna shinachu. Paica tucui ima tiyacta ruhuacmi. Israel ailluca pai acllashcacunami. Paipac shutica tucuita Mandac Diosmi.

SALMOS 73:26

Ñuca cuerpopish, ñuca shungupish huañunallami. Shina cacpipish jatun rumi shina Diosmi ñuca shunguman fuerzata cun. Diosca huiñaitami imatapish allita cun.

1 PEDRO 2:9

Ashtahuanpish cancunaca Dios acllashpa chicanyachishcacuna, Jatun Mandacpacta ruhuac curacuna, Diospaclla cac gentecuna, shinallatac Dios munashpa paipacllatac ruhuashcacunami canguichic. Amsamanta sumac achic luz shina causaiman llucchic Dios ruhuashca sumaimanacunata huillachunmi, chashnaca ruhuashca.

SALMOS 33:12

¡Llactacunatapi causaccuna mai cushicuichicyari! ¡Cancunapac Diosca Mandac Diosmi!

ISAÍAS 47:4

Chashnami ñucanchicta quishpichic nin. Paipac shutica tucuita Mandac Diosmi. Israelcunapac jucha illac Diosmi. Paica:

LAMENTACIONES 3:24

Chaimantami paipi shunguta churashpa shuyani. Ñucamanca Mandac Diosca tucuimantami yallimi.

JEREMÍAS 50:11

Caldeocunalla, ñuca llactata tucuchishpaca, cushicuihuan saltashpa, llullu quihuaman beci yaicushca shinami cushilla carcanguichic. Caballocuna huacacuc shinami caparicurcanguichic.

SALMOS 135:4

Mandac Diosmi Jacobotaca acllarca. Israelcunatapish paimi paipaclla cachun chicanyachirca.

SALMOS 115:3

¡Ñucanchic Diosca jahua pachapimi! ¡Pai munashcatami tucuita ruhuashca!

SALMOS 74:2

Ñaupa punzhacunamanta can acllashcacuna cambac aillu cachun llaquimanta llucchishcacunata yuyariyari. Can causana Sión urcutapish yuyariyari.

SALMOS 16:5

Mandac Dioslla, canmi ñucamanca imatapish cungui. ¡Ñuca causaica cambac maquipimi!

DEUTERONOMIO 32:9

Mandac Dios japinaca pai acllashcacunami. Pai japinaca Jacobomi.

JEREMÍAS 10:12

Mandac Diosmi cai pachataca paipac maquihuan ruhuarca. Jahua pachatapish alli yachaihuanmi churarca.

JEREMÍAS 33:2

«Cai pachata maita mana cuyuchipacta ruhuac Mandac Dios ñucaca:

JEREMÍAS 50:34

Shina cacpipish, paicunata quishpichicca sinchimi. Paipac shutica tucuita Mandac Diosmi. Babilonia llactata llaquichishpami israelcunataca cacharichishpa samachisha. Babilonia llactapi causaccunamanca manchaitami cachasha.

ISAÍAS 51:13

¿Ñachu cancunatapish, jahua pachatapish ruhuac Mandac Diostaca cungarircangui? Cai pacha callari rumitapish ñucallatacmi churarcani. ¿Ima nishpatac cancunata llaquichiccuna yallita piñarishpa, tucuchingapac shayaricpica, punzhanta mancharicunguichic? ¿Maipitac cancunata yallita piñashpa llaquichicca?

JEREMÍAS 51:5

Israelcunata Mandac Diosca chai llactapi yallita juchata ruhuashpa paita piñachicucpipish israelcunatapish, Judá llacta runacunatapish mana saquishcachu.