JEREMÍAS 51:13 - Dios Rimashcata Quillcashcami

¹³ Jatun yacucuna tiyac allpapi causaccunalla, cancunaca chayuccunami canguichic. Cancunapac huañuimi chayamushca.

JEREMÍAS 51:13 Referans Kwoze

APOCALIPSIS 17:1

Copacunata charicuc canchis angelcunapuramanta shuc shamushpaca: «Shamui, yacucuna jahuapi tiyacuc cullquimanta huainayac huarmita llaquichigricushcata ricuchisha.

APOCALIPSIS 17:15

Cutinllatacmi angelca: «Chai cullquimanta huainayac huarmi tiyacushca yacucunaca aillucuna, taucalaya gentecuna, taucalaya rimaita rimaccuna, shinallatac llactacunami can.

ISAÍAS 45:3

Chaipi sumac pacashcacunatapish, pi mana ricushca huacaichishcatapish canmanmi cusha. Israelcunata Mandac Diosca, ñuca cashcata yachachun, shinallatac canta shutipi cayashcata yachachunmi chashnaca ruhuasha.

JEREMÍAS 51:36

Chaimantami Mandac Diosca: «Ñucami canta llaquichishcamantaca llaquichisha. Ima shinami llaquichishca shinallatacmi paicunataca llaquichisha. Paicunapac jatun yacucunatapish, tucyacuc yacucunatapish chaquichishami.

GÉNESIS 6:13

Chaita ricushpami, Diosca Noetaca: «Paicunamantami cai pachapica millaica yallita jundarishca. Chaimantami tucui cai pachapi causaita chariccunata tucuchinata yuyarircani.

APOCALIPSIS 18:19

Shina nishpaca, mai llaquirishpa yallita huacashpami, ñuto allpata umapi churashpa: «¡Aij, aij, jatun pueblolla! Can charishcacunamantami mama cucha yacupi barcota chariccunaca chayuc tucushcacuna. Shina cashpapish shuc ñahui quimllaillapimi tucui tucurishca» nishpami caparircacuna.

2 PEDRO 2:3

Paicunaca cullquita japingaraicumi, cancunamanca yachachishpa chayucyangacuna. Paicunataca ña utcamanta pachami, llaquimanmi ringuichic nishca can. Chai llaquimantaca manatac quishpiringacunachu.

1 PEDRO 4:7

Tucui ima tiyashcacuna tucurina punzhaca ña chayamucunmi. Chaimanta cancunaca alli yuyaihuan mana shaicushpa, Diosta mañaracuichiclla.

AMÓS 8:2

Shina ricuchishpaca: —Amós, ¿imatatac ricungui?— nirca. Shina nicpimi ñucaca: —Usyai punzhacunapi pucushca taza frutatami ricuni— nircani. Shina nicpimi, Mandac Diosca: —¡Ñuca acllashca israelcunata mana llaquishpa, tucuchina punzhami chayamun!

DANIEL 5:26

Cutin chai quillcaccunaca: MENE nishpaca Diosmi mandana punzhacunata yupashpa, caicamanllami mandangui nisha ninmi.

LAMENTACIONES 4:18

Ñucanchic quiquin calleta ama purichunmi caillapi, chaillapi chapacun. Ñucanchic huañuna punzhaca chayamushcami. Ñucanchic tucurina horasca pactashcami.

JEREMÍAS 50:37

Espadahuan shamushpami, paicunapac caballotapish, carretacunatapish tucuchinga. Chaimantami huarmicuna shina manchanga. Espadahuan shamushpami, paicuna charishcacunatapish quichushpa apanga.

JEREMÍAS 50:31

Jatun tucushca llactalla, ñucami canhuanca piñarircani. Ñuca canta ñacachishpa, llaquichina punzhami chayamun. Tucuita Mandac Dios ñucami nini.

JEREMÍAS 50:27

¡Paipac soldadocunatapish, huagratapish huañuchichic! ¡Aij, paicunalla, paicunata llaquichina punzhami chayamushca!

JEREMÍAS 17:11

Cashcata mana ruhuashpa yallita chayucyac runaca sacha huallpa manapish paipac rurucunata ucllac shinami. Paica huambrarac cashpami charishcacunata saquishpa huañunga. Pai ruhuashcaca quipamanca yuyai illac runa ruhuashca shinami canga.

ISAÍAS 43:14

Cancunata quishpichic, israelcunapac jucha illac Diosca: «Cancunata quishpichingapacmi Babilonia llactapi causaccunata llaquichichun cachani. Paicunataca miticuc runacunata shinami callpachisha. Barcocunapi jatun tucushpa puric caldeocunataca chai barcocunallapitacmi cutichishpa cachasha.

ISAÍAS 57:17

Imatapish yallita munashpa, millaita ruhuashcamantami yallita piñarishpa llaquichircani. Chaimantami tigrarishpallapish mana ricurcani. Shina cacpipish, paicunaca mana cazushpami shungu munashcata ruhuashpa catirca.

SALMOS 137:1

Babilonia llacta yacu ladocunapi tiyarishpami, Sión pueblota yuyarishpa huacac carcanchic.