JEREMÍAS 51:11 - Dios Rimashcata Quillcashcami

¹¹ Flechacunata pichaichic. Escudotapish rigrapi apaichic. Mandac Diosca Babilonia llactata tucuchinatami yuyarishca. Media llactata jatun mandaccunapac shungupimi tucuchina yuyaita churashca. Mandac Diosca paipac huasita urmachishcamantami paicunatapish llaquichinga.

JEREMÍAS 51:11 Referans Kwoze

JEREMÍAS 46:4

¡Carretacunata caballopi huataichic! ¡Caballocunapi montaichic! ¡Fierro cascota churarichic! ¡Lanzacunatapish mulaichic! ¡Shunguta pacac fierro churanata churarichic!

JEREMÍAS 50:45

Chaimanta Mandac Dios ñuca Babilonia llactata ima shina llaquichinata, caldeocunata imata ruhuanata yuyarishcataca uyaichicyari. Paicunapac manada ovejacunamanta ashtahuan uchilla ovejacamanmi apanga. Ovejacuna shayanacunatapish tucui urmachishpami saquinga.

JEREMÍAS 50:9

Ñucami jahua llactamanta Babilonia llactata llaquichichun, sinchi llactacunata tandachishpa pushamugrini. Chai llactacuna allichirishpa shamushpami macanacushpa mishanga. Chai runacunaca mana pandarishpa, allita flechacunata shitac runacunami.

JEREMÍAS 46:9

Caballopi, Carretapi tiyarishpa callpaichic. Alli sinchi soldadocunaca escudota apaichic. Etiopía llacta, Put llacta soldadocunapish llucshichic. Arcohuan macanacuc Lud llactamanta soldadocunapish llucchichic.

ZACARÍAS 14:12

Mandac Diosca Jerusalenpi causaccunahuan macanacuc gentecunataca cai ungüihuanmi llaquichinga. Paicuna causacucllapitacmi paicunapac aichaca ismunga. Ñahui murucunapish chaillapitacmi chaquinga. Callupish shimillapitacmi tucuringa.

ZACARÍAS 14:2

Mandac Diosmi Jerusalenpi causaccunahuan macanacuchun, shuctac llactacunamanta tandachimunga. Paicunami cai llactata quichushpa, huasicunapi ima charishcacunatapish quichuga. Huarmicunatapish, japirishpa llaquichingami. Cai llactapi causacpuramanta chaupica prezumi ringa. Ashtahuanpish chai puchushca gentecunallami caipica saquiringa.

JEREMÍAS 51:35

¡Ñucata llaquichishcamantaca Babilonia llactata llaquichichun!» ningami. Sionpi causaccunaca: «¡Ñucanchic jichashca yahuarmantaca caldeocunata llaquichichun!» ningami.

JEREMÍAS 51:24

Babilonia llactapi causaccunatapish, Caldea runacunatapish, Sionta llaquichishcamantaca cancunapac ñaupapimi llaquichigrini» ninmi

JEREMÍAS 51:12

Mandac Diosca pai nishca shina llaquichinata yuyarishcami. Babilonia llactata llaquichishami nishcataca pactachingatacmi. Chaimanta Babilonia llacta muyundi jatun pircapi banderata shayachichic. Chaimanta ama llucshichun, soldadocunata chapachun churaichic. Chaiman yaicungapac allichirichic.

JEREMÍAS 50:25

Mandac Dios ñucami macanacunata huacaichishca ucuta pascashpa, nina japiric shina piñarishpa macanacunata llucchircani. Tucuita Mandac Dios ñucami caldeocunapac llactapi ñuca ruhuana cashcata ruhuasha.

ISAÍAS 46:11

Inti llucshina ladomanta millai alasyuc animal shina, runatami caru llactamanta ñuca yuyarishcata pactachichun cayarcani. Ñuca yuyarishcataca ruhuashatacmi.

ISAÍAS 45:5

Ñucallami Mandac Diosca cani. Shuctac Diosca mana tiyanchu. Ñucamanta shuctac Diosca mana tiyanchu. Can ñucata mana ricsicpipish, ñucami alli chumbillichic shina sinchiyachircani.

ISAÍAS 45:1

Mandac Diosmi Cirotaca aceitehuan cahuishpa mandac cachun churarca. Paitami alli lado maquimanta aisashpa, shuc llactapi causaccunata cumurichichun, jatun mandaccuna chumbillirishcata surcuchichun apamurca. Shinallatac paipac ñaupapi pungucuna pascashca saquirichunmi chashnaca apamurca. Mandac Diosca paitaca:

ISAÍAS 41:25

Jahua lado llactamantami shuc runata pushamusha. Inti llucshina lado llactamanta shamushpami, ñuca shutipi mañanga. Paica jatun mandaccunataca turuta saruc shinami mandanga. Mangata ruhuac runa turuta saruc shinami sarunga» ninimi.

ISAÍAS 21:5

Mizapi mantelta churashpami, micushpa, ubiashpa tiyacun. ¡Soldadota mandaccuna jatarichic, escudocunata aceitehuan cahuichic!

ISAÍAS 21:2

Muscuipi shina ricuchishpaca sinchitami ricuchirca. Mana cazuc runaca mana cazushpami catin. Huañuchishpa tucuchic runaca tucuchishpami catin. ¡Elam llactapi causaccunalla, macanacungapac huichai richicyari! ¡Media llactapi causaccunalla, Babiloniata muyunacuichicyari! Ña mana llaquihuan caparinacui tiyangachu.

ISAÍAS 10:26

Tucuita Mandac Diosca Oreb jatun quingrai ladopi, Madián llactapi huañuchishca shinami, paicunataca huañuchinga. Varata alzashpa, Egipto runacunata yacupi ucuyachishca shinami, paicunatapish tucuchinga.

ESDRAS 1:1

Jatun mandac Ciro Persia llactata shuc huatata mandacucpimi, Mandac Diosca Jeremiasman huillachishca pactachun, Persia llactata jatun mandac Ciroman yuyaita curca. Chashna yuyaita cucpimi, jatun mandac Ciroca huillashpapish, quillcaccunata cachashpapish pai mandacuc tucui llactacunapi causaccunaman huillachishpaca:

2 CRÓNICAS 36:22

Persia llactata jatun mandac Ciro ña shuc huatata mandacucpimi, Mandac Diosca Jeremiasman huillachishca pactachun, Mandac Diosllatac Persia llactata jatun mandac Ciroman yuyaita cushpa, pai mandacuc tucui llactacunapica shimillahuanpish, quillcacunahuanpish cashna huillachun mandarca:

1 CRÓNICAS 5:26

Chaimantami israelcunapac Mandac Diosca asiriocunata jatun mandac Pul nishca Tiglat-pileserta Rubenpac aillucunatapish, Manasespac chaupi aillucunatapish, Halah, Habor, Hara pueblocunaman shinallatac Gozán yacu ladoman apachun saquirca. Chaipimi cunan punzhacaman causancuna.

1 REYES 11:23

Diosca Eliadapac churi Rezonmanpish, Salomonta piñana yuyaitami curca. Rezonca Soba llactata jatun mandac paipac amo Hadad-ezerpacmantami miticushpa rishca carca.

1 REYES 11:14

Mandac Diosca Edom llactata jatun mandacpac familiapuramanta Hadadmanmi Salomonta piñashpa llaquichina yuyaita curca.

LEVÍTICO 26:25

Ñucahuan ari nishcata mana cazushcamantaca ñucapish chashnallatacmi cancunataca espadahuan llaquichiccunata cachashpa llaquichisha. Chai llaquimanta cancunapac llactapi miticugricpipish, jatun ungüita cachashpami, cancunata piñaccunapac maquipi churasha.

JEREMÍAS 25:25

Zimri, Elam, Media llactacunata jatun mandaccunamanpish curcanimi.

JEREMÍAS 46:3

«Uchilla escudocunata apashpa macanacuiman shamuichic.

JEREMÍAS 50:3

¡Jahua llactamantami llactata llaquichingapac rishca! Paicunami tucui ima tiyashcata chingachinga. Chai llactapica runacunapish, animalcunapish mana tiyangachu. Tucuimi shitashpa ringa» ninmi.

JEREMÍAS 51:36

Chaimantami Mandac Diosca: «Ñucami canta llaquichishcamantaca llaquichisha. Ima shinami llaquichishca shinallatacmi paicunataca llaquichisha. Paicunapac jatun yacucunatapish, tucyacuc yacucunatapish chaquichishami.

DANIEL 5:30

Chai tutallatacmi caldeocunata jatun mandac Belsasarca huañurca.

JOEL 3:9

¡Tucui llactacunapi macanacui tiyanata huillashpa: “Macanacungapac allichirichic! ¡Sinchi runacuna allichirichic! Macanacuc soldadocunapish shamushpa allichirichic.

JOEL 3:10

Yapuna rejacunataca espadacunata ruhuaichic. Hocescunataca lanzacunata ruhuaichic. Fuerzata mana chariccunataca: ‘Fuerzata charinimi’ nishpa, caparichun mandaichicyari.