JEREMÍAS 50:27 - Dios Rimashcata Quillcashcami

²⁷ ¡Paipac soldadocunatapish, huagratapish huañuchichic! ¡Aij, paicunalla, paicunata llaquichina punzhami chayamushca!

JEREMÍAS 50:27 Referans Kwoze

JEREMÍAS 46:21

Cullquillamanta macanacuc soldadocunapish huira beci shinami. Paicunapish mana tigra ricushpami callparca. Llaquichina punzhacuna, huatacuna shamushcamantami chashna callparca.

ISAÍAS 34:7

Paicunahuanmi sacha huagracunatapish, becicunatapish huañuchinga. Chaimantami paicunapac llactaca yahuarhuan, allpapish huirahuan chapurishca canga.

JEREMÍAS 48:44

Moab llactapi causaccunataca yallitami llaquichigrini. Manchaimanta miticushpa callpacca jutcupimi urmanga. Jutcumanta llucshicca tucllapimi japi tucunga.

SALMOS 37:13

Mandac Diosca chai runata llaquichina punzha chayamucucta yachashpaca asingami.

SALMOS 22:12

Ñucataca achca piña huagra shinami muyucuncuna. Basán llacta piñac huagracunapac chaupipi shinami cani.

APOCALIPSIS 19:17

Shinallatac shuc ángel intipi shayacuctami ricurcani. Chaica jahuata volashpa puric, tucui alasyuc animalcunatami sinchita caparishpaca: «¡Dios allichishca jatun micuita micungapac tandarishpa shamuichic!

APOCALIPSIS 18:10

Paita llaquichicushcata ricushpa, manchaihuan carupi saquirishpaca: «¡Tucuimanta yalli jatun pueblolla! ¡Aij, aij, cungaillami canta llaquichina pachaca chayamun!» ningacunami.

LAMENTACIONES 1:21

Ñuca llaquihuan caparishcata gentecuna uyashpapish, pi mana cushichircachu. Can ñucata llaquichishcata ñucata piñaccuna uyashpaca yallitami cushicurca. ¡Paicunapish ñuca llaquita apacuc shina, llaquita apachun, huillashca shina llaqui punzhacunata cachaiyari!

JEREMÍAS 50:31

Jatun tucushca llactalla, ñucami canhuanca piñarircani. Ñuca canta ñacachishpa, llaquichina punzhami chayamun. Tucuita Mandac Dios ñucami nini.

JEREMÍAS 50:11

Caldeocunalla, ñuca llactata tucuchishpaca, cushicuihuan saltashpa, llullu quihuaman beci yaicushca shinami cushilla carcanguichic. Caballocuna huacacuc shinami caparicurcanguichic.

JEREMÍAS 27:7

Tucui llactacunami paita, paipac churita, paipac nietota servishpa causanga. Babilonia llactaman yalli llaqui huatacuna chayamungacamanmi chashna causanga. Quipaca Babiloniapi causaccunapish shuctac llactacunata jatun mandaccunatami servishpa causanga.

JOB 18:20

Inti tigrana ladomanta shamuccunaca pai ima tucushcata yachashpami mancharinga. Inti llucshina ladomanta shamuccunapish yallita manchaihuanmi saquiringa.

JEREMÍAS 12:3

Mandac Dioslla, ashtahuanpish ñucataca ricsinguimi. Cambac ñaupapi ñuca shungu alli cactapish, canllatac yachanguimi. ¡Paicunataca ovejacunata huañuchingapac apac shina, huañuchina punzhapac chicanyachiyari!

JEREMÍAS 25:34

¡Michiccuna yallita llaquirishpa huacaichicyari! ¡Achca ovejacunata shina, sinchita mandaccuna, llaquirishpa ñuto allpapi singüichicyari! Chaica, cunan punzhami cancunapac cungata pitinapish, caita chaita cachanapish pactashca. Sumac vasota paquic shinami tucuchinga.

JEREMÍAS 48:10

¡Mandac Dios ruhuachun nishcata mana alli ruhuacca mana alli nishca cachun! ¡Jatun macanacuita cachacpi, mana huañuchishpa cutic runapish mana alli nishca cachun!

JEREMÍAS 48:15

Ñucaca Jatun Mandacmi cani. Ñuca shutica tucuita Mandac Diosmi. Moab llactaca ñami tucuringa. Llactacunapish tucuimi urmanga. Huambrarac runacunatapish cungata pitishpami huañuchinga.

JEREMÍAS 51:40

Paicunataca maltón ovejata shina, carnero ovejacunata chivocunahuan huañuchina ucuman apac shinami apamuchun mandasha» ninmi.

ISAÍAS 21:12

Shina nicpimi, chapac runaca: «Ñami achicyagrin, achicyashpapish ña tutayangami. Imata tapusha nishpaca, tapuc shamunguilla» nirca.

ISAÍAS 34:6

Mandac Diosca Bosra llactapica animalcunata rupachingapac huañuchic shinami huañuchinga. Edom llactapipish achcatami huañuchinga. Espadaca maltón ovejacunapac, cari chivocunapac yahuarhuan, Maltón ovejacunapac riñón huirahuanmi yallita cahuiringa.