24 Babilonia llactalla, ñucallatacmi tucllata churarcani. ¡Chaipi urmashpa prezu japi tucunataca mana yacharcanguichu! Mandac Dios ñucata mana cazushcamantami chashnaca tucurcangui.
Paipac shungupica tucuita yachanmi. Tucui imatapish ruhuacmi. ¿Pitac paita mana cazushpaca alli llucshingayari?
¿Canca, ñuca shinachu sinchi rigrayuc cangui? ¿Can rimashcaca ñuca rimashca shinachu culun nishpa uyarin?
«¿Canca tucuita ruhuac Dios-huanchu cariyashpa chimbapurasha ningui? Maijanpish Dios-huan chimbapurasha nishpaca caicunatami cutichina can» nirca.
Chai runami Diospac shutita apaccunatapish, chashnallatac Diosman tucui imata cushcacunatapish piñanga. Chaipac jahuapica Diosta mañana huasipipish “ñucami Dios cani” nishpami tiyaringa.
Paicunata mandaccunatapish, jatun yachaccunatapish, llactapi mandaccunatapish, soldadocunata mandaccunatapish, tucui sinchi runacunatapish machachishami. Chashna machachicpica, huiñaita mana riccharishpami, sueñucungalla. Chaitaca Jatun Mandacmi nin. Paica tucuita Mandac Dios shutimi.
Babilonia llactaca cungaillami urmashpa ñuturirca. Paimanta huacaichicyari, Pai nanaita pasachichunca bálsamo jambita churaichicyari. Chashna ruhuacpica, alliyangapishchari» ninimi.
¡Aij manga callana shina cashpapish ñucata piñachiccunalla! Callanata ruhuana allpaca paita ruhuactaca: “¿Imatatac ruhuangui” ningachu? ¿Imata pai ruhuashcaca: “Canca maqui illacmi cangui” ningachu?
Mandac Diosca: «Cai pachapi causaccunataca millaita ruhuashcamantami llaquichisha. Ñucata mana manchaccunataca paicunallatac mana allita ruhuashcamantami tucuchisha. Jatun tucushpa puriccunatapish tucuchishami. Cariyashpa sinchi tucushpa puriccunatapish cumurichishami.
Ashtahuanpish runaca ima horas ima tucunata mana yachanchu. Ima shinami challuacuna mallapi japi tucun, alasyuc animalcuna linchipi japi tucun. Chashnallatacmi runacunapish mana alli punzhapi japi tucun.
Chaimantami Moisespish, Aaronpish Faraonpacman rishpaca: —Mandac Diosca israelcunataca: “¿Maicamantac ñuca ñaupapi mana cumurishpa, jatun tucugringui? Ñuca acllashcacuna ñucata servingapac richun saqui, ama jarcaichu.
Moab llactapi causaccunalla, cancunamanca yalli manchaipish, urmana jutcupish, mitcarina tucllapishmi shuyacun.
Moab llactapi causaccunataca yallitami llaquichigrini. Manchaimanta miticushpa callpacca jutcupimi urmanga. Jutcumanta llucshicca tucllapimi japi tucunga.
Paillatacmi Diosta maquita alzashpa piñachishca. Paillatacmi tucuita ruhuac Diospac ñaupapi jatun tucushca.