JEREMÍAS 50:2 - Dios Rimashcata Quillcashcami

² «Llactacunapi caparishpa huillaichicyari. Banderacunata shayachichicyari. Mana pacashpa huillashpa: “Babilonia llactaca shuccunapac maquipimi. Bel diosca yallita pingaimi tucushca. Merodac diospish polvoshcami. Paicunapac ruhuashcalla dioscunapish ñutuchishcami siricun” nishpa caparichicyari.

JEREMÍAS 50:2 Referans Kwoze

ISAÍAS 46:1

¡Bel diosca urmashcami! ¡Nebo diospish urmashcami! Chai dioscunataca cargana animalcunamanmi apachirca. Chai dioscunata apashpami animalcunaca shaicushca.

ISAÍAS 21:9

¡Riqui, ishcai caballocuna aisashca carretapimi runacuna shamun!» nirca. Shina nishca quipaca: «¡Babilonia llactaca urmarcami, urmarcami! ¡Tucui paicunapac yanga dioscunapish pambaman urmashpami paquirirca!» nirca.

JEREMÍAS 51:47

Riquichic, Babilonia llactapi tiyac ruhuashcalla dioscunata llaquichina punzhami chayamun. Tucui llactami pingaipi saquiringa. Chai llacta chaupipimi huañunga.

JEREMÍAS 51:44

Shinallatac: «Babilonia llactapi cac Bel diosta llaquichishpami, imata micushcatapish huicsamanta llucchisha. Shuctac llactacunaca paipacmanca mana ashtahuan shamungachu. ¡Babilonia llacta muyundi jatun pircaca urmashcami!

APOCALIPSIS 18:2

Chai ángel sinchita caparishpaca: «¡Babilonia jatun puebloca tucui urmashcami! Cunanca supaicuna, millai espiritucuna, shinallatac piñana millanayai volashpa puric animalcuna causana pueblomi tucushca.

SOFONÍAS 2:11

Mandac Diosca paicunahuan yallita piñarishpa, cai pachapi tiyac dioscunataca tucui chingachishpami, yallita manchachinga. Tucui yacu patapi cac llactacunapi causaccunami paicuna maipi causashcallapitac cumuringa.

JEREMÍAS 52:31

Jatun mandac Evil-merodac Babilonia llactata mandai callaricpica, Judá llactata jatun mandac Joaquinca quimsa chunga canchis huatatami Babilonia llactapi prezu carca. Chai huata, chunga ishcai quilla, ishcai chunga pichca punzhami Judá llactata jatun mandac Joaquintaca carcelmanta llucchirca.

JEREMÍAS 51:52

Chaimantami Mandac Diosca: «Babilonia llactapi tiyac ruhuashcalla dioscunata tucuchina punzhacunami shamushca. Chashna tucuchicpimi, tucui chai llactapi caccunaca chugririshpa llaquiringa.

JEREMÍAS 51:31

Babilonia llactata japishcata huillaccunapish, cartata saquiccunapish catinacuimi Babilonia llactata jatun mandacpacman ringa.

JEREMÍAS 51:8

Babilonia llactaca cungaillami urmashpa ñuturirca. Paimanta huacaichicyari, Pai nanaita pasachichunca bálsamo jambita churaichicyari. Chashna ruhuacpica, alliyangapishchari» ninimi.

JEREMÍAS 50:46

Babilonia llactata llaqui japicpi, caparinacushcaca allpata chucchuchingami. Chashna caparishcaca, tucui llactacunamanmi uyaringa nini» ninmi.

JEREMÍAS 46:14

«Egipto llactapi huillaichic. Migdol, Menfis, Tafnes llactacunapi huillashpa: “¡Allichirishpa shayarichic. Cancuna causacuc muyunditaca espadahuanmi tucuchinga!” nichic.

JEREMÍAS 31:10

¡Llactapi causaccunalla, Mandac Dios ñuca rimashcata uyashpa, mama cucha patapi tiyac caru llactacunapi huillaichic! Chashna huillashpaca: “Israelcunata llucchishpa, caita chaita cachac Diosca cutinmi tandachishpa, ovejacunata michic shina cuidanga” nichicyari.

JEREMÍAS 6:18

Chaimantami Mandac Diosca: «Cai llactapi causaccuna uyaichic. Tandanacushca gentecunapish ima tucuna cashcata alli yuyarichic.

JEREMÍAS 4:16

Shuctac llactacunatapish, Jerusalentapish: “Caru llactamantami soldadocunaca muyunacushpa, Judá llactacunapi causaccunata llaquichingapac caparishpa shamucun” nichicyari.

ISAÍAS 48:6

Chai tucuitami cancunaca uyarcanguichic, ricurcanguichic. ¿Chaicunataca manachu huillagringuichic? Cunanca, cancuna mana yachashca mushuctami huillagrini.

ISAÍAS 39:1

Chai punzhacunapimi Babilonia llactata jatun mandac Baladanpac churi Merodac-baladanca Ezequías ungushpa, alliyashcata yachai chayarca. Chaimantami quillcanatapish, shuctac caranacunatapish cuchun cacharca.

ISAÍAS 37:19

Chaipi tiyac dioscunatapish rupachircami. Chaicunaca mana dioscunachu carca. Ashtahuanpish runacuna caspimanta, rumimanta ruhuashcallami carca. Chaimantami chashna tucuchirca.

ISAÍAS 13:2

Shitashca urcupi banderata shayachi. Mandaccuna yaicuna punguta soldadocuna yaicuchun sinchita caparishpa maquita alzaichic.

ISAÍAS 12:4

Chai punzhapica cancunaca: «¡Mandac Diostaca pagui nichicyari! ¡Paipac shutita caparishpa, pagui nishpa cantaichicyari! Pai ruhuashcataca tucui llactapi causaccunaman huillaichicyari. Paipac shuti jatun cashcata yuyarichicyari.

SALMOS 96:3

Pai sumaimana cashcataca tucui llactacunapi huillaichic. Pai mancharinacunata ruhuashcataca shuctac gentecunaman parlaichicyari.

SALMOS 64:9

Chashna ruhuacpimi, tucui gentecuna manchashpa Dios ima ruhuashcata huillangacuna. Shina huillacpimi, pai ruhuashcataca entendingacuna.

SALMOS 97:7

Rumita labrashpa ruhuashca dioscunata serviccuna, yangalla dioscunahuan cushicuccuna pingaichicyari. ¡Tucui dioscuna paipac ñaupapi cumurichicyari!

ISAÍAS 48:20

¡Babilonia llactamanta llucshichic! ¡Caldeocunamanta miticushpa richic! Caicunataca cushicuihuan huillaichic. Cai pacha tucuricaman huillashpa: “Mandac Diosca, paita servic Jacobopac huahua huahuacunataca quishpichircami.

JEREMÍAS 4:6

¡Sión ladoman banderata alzaichicyari! ¡Ama unaiyashpa miticungapac callpaichic! Jahua lado llactamantami yalli llaquichicta cachagrini. Chaica yalli llaquimi canga.

JEREMÍAS 51:12

Mandac Diosca pai nishca shina llaquichinata yuyarishcami. Babilonia llactata llaquichishami nishcataca pactachingatacmi. Chaimanta Babilonia llacta muyundi jatun pircapi banderata shayachichic. Chaimanta ama llucshichun, soldadocunata chapachun churaichic. Chaiman yaicungapac allichirichic.

JEREMÍAS 51:27

¡Chai llactapica banderata alzaichic! Chai llactapi causaccunahuan macanacungapac trompetapi tocashpa llactacunamanta tandachichic. Paicunahuan macanacungapac Ararat, Mini, Askenaz llactacunata jatun mandaccunata tandachichic. Chai macanacuita pushachunca, alli pushacta churaichic. Langosta shina, caballocunapi montashpa huichai shamuichic.

DANIEL 1:2

Mandac Diosmi Judá llactata mandac Joacimtapish, paipac huasipi tiyac imacunatapish Nabucodonosorpac maquipi churarca. Shina churacpimi, Babiloniaman apashpa, paipac dioscunapac imacuna huacaichinapi churarca.

DANIEL 3:14

Nabucodonosorca paicunataca: —Sadrac, Misac, Abed-nego, cancuna ñuca diostapish, ñuca curimanta ruhuashca runaman ricchatapish mana adorac nishcatami uyani.

JEREMÍAS 10:11

Paicunataca: «Jahua pachata, cai pachata mana ruhuac dioscunaca cai pachamanta chingaringami» ningui.

JEREMÍAS 10:15

Chaicunaca imapacpish mana vali burlanami. Dios llaquichicui punzhapica tucuringami.