JEREMÍAS 5:4 - Dios Rimashcata Quillcashcami

⁴ Ñucaca: «Mandac Dios mandashcatapish, pai munashca shina causanatapish mana yachashcamantami, imatapish mana yachashpa, yuyai illac tucushca.

JEREMÍAS 5:4 Referans Kwoze

OSEAS 4:6

Ñuca acllashcacunaca mana yachashcamantami chingaringa. Cancunataca ñuca yachachishcata mana chasquishcamantami curacunapuramanta anchuchisha. Ñuca mandashcacunata cungarishcamantami ñucapish cancunapac huahua huahuacunata cungarisha.

JEREMÍAS 8:7

Jahuata volac cigüeñapish ima quillapi shuctac ladoman rinata yachanmi. Urpipish, grulla animalpish, golondrinapish ima quilla shuctac llactaman rinata yachanmi. Ashtahuanpish ñuca acllashca cancunaca ñuca mandashcataca mana yachashpami causanguichic.

SAN MATEO 11:5

Ñahui mana ricuccuna ricucushcatapish, suchucunapish puricushcatapish, leprahuan ungushcacuna alliyashcatapish, ringri mana uyaccuna uyacushcatapish, huañushcacunata causachishcatapish, huacchacunaman alli huillaita huillashcatapish huillagrichic.

ISAÍAS 27:11

Chai ramacuna chaquicpica, paquishpami saquinga. Chaicunataca huarmicunami yantashpa rupachinga. Cai gentecunaca mana entendincunachu. Chaimantami paicunata ruhuac Diosca manatac llaquinga. Paicunata ruhuac Diosca mana llaquishpami llaquichinga.

JEREMÍAS 7:8

Cancunaca yanga llulla parlocunapimi shunguta churashpa causacunguichic.

JEREMÍAS 4:22

Ñuca acllashcacunaca ñucata mana ricsic yuyai illaccunami. Ñuca huahuacunaca imatapish mana yachac, imatapish mana entendiccunami. Millaita ruhuanataca allita yachancunami. Ashtahuanpish allita ruhuanataca mana yachancunachu.

JEREMÍAS 9:3

Paicunapac calluhuanca flechata shitac shinami llullan. Cashcata ninapac randica, ashtahuan ashtahuan millaita ruhuashpami, mandac Diostaca mana ricsirca.

JEREMÍAS 10:8

Tucui paicunami imatapish mana yachac, mana entendiccuna. Paicunapac caspi diosca imapac mana vali yanga cashcatami ricuchin.

ISAÍAS 29:12

Cutin, rezanata mana yachacta: «Caita rezashpa uyachi» nicpica: «Mana rezanata yachanichu» ningami.