JEREMÍAS 5:25 - Dios Rimashcata Quillcashcami

²⁵ Cancunapac mana allita ruhuashcacunami, allita ruhuanataca caruyachirca. Cancunapac juchallatacmi chai allicunataca anchuchirca.

JEREMÍAS 5:25 Referans Kwoze

ISAÍAS 59:2

Ashtahuanpish cancuna mana allita ruhuashcallatacmi Diosmanta caruyachishca. Cancunapac juchallatacmi cancuna mañashcata uyanata jarcashca. Chaimantami paipac ñahuita pacashca.

SALMOS 107:34

Alli grano pucuc allpacunatapish, mana pucuc cachi allpatami ruhuan. Chaipi causaccuna millaita ruhuashcamantami chashnaca ruhuan.

SALMOS 107:17

Yuyai illaccunaca paicunallatac mana cazushpa mana allita ruhuashcamantami llaquita aparcacuna.

LAMENTACIONES 3:39

Juchamanta llaquichishca runaca, ¿imamantatac llaquirin?

JEREMÍAS 3:3

Chaimantami punta tamyapish, chagrata pucuchic quipa tamyapish mana tiyarca. Cullquimanta huainayac huarmi shinami, manatac pingarcangui.

LAMENTACIONES 4:22

Sionpi causaccunalla, cancunata llaquichinaca tucurishcami. Cancunataca jaicapi mana prezu apangachu. Edom llactapi causaccunalla, cancunallatac millaita ruhuashcamanta llaquichicpimi, cancunapac juchacunaca ricuringa.

JEREMÍAS 4:18

Cancuna mana allita ruhuashpa causashcallatacmi cancunataca llaquichirca. ¡Chai jayac shina llaquimi shunguman chayashpa, yallita llaquichishca!» ninmi.

JEREMÍAS 14:1

Yalli usyai cacpi, Mandac Dios Jeremiasta rimashpaca:

JEREMÍAS 14:7

Mandac Dioslla, ñucanchic juchacunallatac ñucanchic mana alli cashcata ricuchicucpipish, cambac shutita cuyashcamanta quishpichiyari. Ñucanchicca canta mana cazushpa, juchata ruhuashpami yallita canta piñachircanchic.