JEREMÍAS 5:23 - Dios Rimashcata Quillcashcami

²³ Ashtahuanpish cai gentecunaca mana cazuc millai shungucuna cashpami, ñucamanta caruyashpa maitapish rincuna.

JEREMÍAS 5:23 Referans Kwoze

JEREMÍAS 6:28

Tucui paicunami ñucata mana cazushpa, huashalla parlanacushpa purincuna. Paicunaca bronce shina, fierro shinami tucushca. Paicunaca ismushca shina millaicunami.

OSEAS 11:7

Ñuca acllashcacunaca jatun tucushpami, ñucata mana cazun. Jahua pachapi causac Dios ninacushpapish ñucataca pi mana jatunyachinata munanchu.

SALMOS 95:10

Chaimantami paicunahuanca chuscu chunga huatata piñarishca carcani. Paicunataca: “Cai gentecunaca pandata yuyashpami, ñuca mandashcacunataca mana yachashun” nircacuna.

DEUTERONOMIO 21:18

Shuc runa mana cazuc, sinchi shungu, taita mamatapish mana cazuc, paicuna mashnata macacpipish, mana uyacpica,

HEBREOS 3:12

Cuyashca criccuna, cancunapurapi millai yuyaihuan mana crisha nishpa, causac Diosmanta caruyaccuna shucllapish ama tiyachun.

OSEAS 4:8

Curacunaca ñuca acllashcacuna juchamanta ofrendata cushcacunahuanmi causancuna. Chaimantami ashtahuan juchallichun munancuna.

JEREMÍAS 17:9

Runapac shunguca tucuita atishpa llullashpa umacmi. ¿Chaitaca pitac entendinga?

JEREMÍAS 5:5

Cunanca yachaccunapacman rishpa, paicunahuan parlasha. Paicunaca Mandac Dios mandashcatapish, pai taripashpa llaquichinatapish yachancunami. Ashtahuanpish paicunapish yugota paquishpami, coyundatapish pitirca.

ISAÍAS 31:6

¡Israelcunalla, cancuna yallita mana cazushpa, llaquichishca Mandac Diospacman cutichicyari!

ISAÍAS 1:5

¿Ima nishpatac ashtahuan llaquichishca canata munanguichic? Umapish tucui chugrishca, shungupish tucui nanaihuanmi canguichic.

SALMOS 78:8

Ama ñaupa taitacuna shina Diosta mana cazuc, sinchi shungu, Diosta mana tucui shunguhuan, tucui almahuan catic cachunmi chashnaca yachachichun mandarca.

JEREMÍAS 4:17

Cancunallatac mana cazushcamantami chai soldadocunaca chagrata cuidac runacuna shina, muyundipi chapacun. Chaitaca Mandac Dios ñucami nini.

SOFONÍAS 3:1

¡Aij, Jerusalenlla, shuccunata llaquichiccuna, mana cazuccuna, juchata ruhuashpa mapayashcacunami!

DEUTERONOMIO 31:27

Cancuna mana cazuc sinchi shungu cashcataca yachanimi. Cunan ñuca cancunahuan pacta causacucpipish, Mandac Diosta mana cazuc cashpaca, ñuca huañushca quipaca, ¡imachari canguichic!