JEREMÍAS 5:2 - Dios Rimashcata Quillcashcami

² Maijan: “Mandac Diospac shutipimi ari nini” nishpapish yangallami ari ninga» ninmi.

JEREMÍAS 5:2 Referans Kwoze

TITO 1:16

Paicunaca “Diosta ricsinchicmi” nishpapish, imatapish ruhuashpaca Diosta mana ricsic cashcatami ricuchincuna. Paicunaca millana, mana cazuccuna cashpami, ima allitapish mana ruhuai pudincuna.

JEREMÍAS 4:2

Mandac Dios ñucapac shutipi ari nishpaca, mana llullashpa cashcata nichic. Shina ruhuacpica, shuctac llactacunapi causaccunapish, ñucamantami bendiciashca canga. Ñucahuanmi cushicunga.

2 TIMOTEO 3:5

Diosta cuyaccunami canchic nishpapish, paicuna ruhuashcahuan mana allitac ricuchiccunami cangacuna. Chashna gentecunahuanca ama tandaringuichu.

OSEAS 10:4

Paicunaca yangallami rimancuna. Yangallami imata pactachingapac ari ninacun. Chaimantami llaquicunaca yapushca pambacunapi jayac ajenco huiñac shina, achca miranga.

JEREMÍAS 7:9

Cancunaca huañuchishpa, shuhuashpa, huainayashpa, yanga ari nishpa, Baal dioscunaman inciensota cushnichishpa, mana ricsishca shuctac dioscunata catishpami causanguichic.

ISAÍAS 48:1

Israel shuti, Jacobopac huahuacuna, caita uyaichic. Cancunaca Judapac huahua huahuacunami canguichic. Mandac Diospac shutipi ari nishpapish, israelcunapac Diosta mañashpapish mana ciertota yuyaringuichicchu. Ashtahuanpish jahua shungullami canguichic.

LEVÍTICO 19:12

Manapish pactachingapac ari nishpa, ama cancunata Mandac Diospac shutita yangapi churanguichicchu. Ñucami Mandac Dios cani.

1 TIMOTEO 1:10

huaclliriccunata, caripura huarmipura chayariccunata, genteta shuhuaccunata, llullaccunata, llullashpapish mana llullanichu niccunata, shinallatac tucui alli yachachishcacunata mana cazuccunata llaquichichunmi can.

MALAQUÍAS 3:5

Tucuita Mandac Diosca: «Chaipimi brujocunatapish, huainayaccunatapish, llullashpa ari niccunatapish taripashpa llaquichisha. Cullquimanta trabajaccunata, viuda huarmita, taita mama illac huahuacunata, caru llacta runacunata llaquichishpa, ñucata mana manchashpa causaccunatapish llaquichisha» ninmi.

OSEAS 4:15

Israelcunalla, cancuna huainayacpipish, Judá llactapi causaccuna mana juchallishpami alli canman. ¡Gilgalmanpish ama yaicuichicchu! Bet-avenmanpish ama huichai richicchu. Shinallatac ama: “¡Mandac Diospac shutipimi ari nini!” ninguichicchu.

JEREMÍAS 44:26

Chaimanta Egipto llactapi causac Judá gentecuna Mandac Dios rimashcata uyaichic. Paica: Egipto llactapi causac Judá gentecunamanta maijanllapish: ‘Mandac Diosca causacunmi’ nishpaca, ñucata ña mana mañangachu, ña mana yuyaringachu. Caitaca Mandac Dios ñuca shutipimi nini.

SOFONÍAS 1:5

Huasi jahuacunapi cungurishpa, lucerocunata mañaccunatapish, ñucata adorashpa ñuca shutipi, Milcom diospac shutipi, ari niccunatapish tucuchishami.

JEREMÍAS 9:2

¡Ñuca llactapi causaccunamanta caruyashpa, shitashca pambata ricucpi, ñucaman pozanata cushpachari alli canman! Paicunaca huainayaccunami, tandanacushpa millaita ruhuaccunami.