JEREMÍAS 5:1 - Dios Rimashcata Quillcashcami

¹ Mandac Diosca: «Cunanca, Jerusalén ñancunapi purishpa alli ricuichic. ¿Cashcata ruhuac, allita mashcac runaca tiyanchu? Plazacunapi mashcaichic. Shuc runallapish allita ruhuac tiyacpica, Jerusalentaca quishpichishami.

JEREMÍAS 5:1 Referans Kwoze

EZEQUIEL 22:30

Chai llactata mana llaquichisha nishpami, ñucaca maijan cai llactamanta ñucahuan rimachun, shuc runata mashcarcani. Shina mashcashpapish mana tarircanichu.

2 CRÓNICAS 16:9

Mandac Diosca alli shunguhuan allita ruhuashpa, paita cazuccunaman tucui imatapish ruhuashpa ayudangapacmi tucui cai pachata ricucun. Canca mana yuyaita charic shinami ruhuashcangui. Chashna ruhuashcamantaca cunanmanta pachami ashtahuan canhuan macanacungapac shamungacuna» nirca.

ISAÍAS 59:4

Cashcata ruhuachun caparishpa mañacca pipish mana tiyanchu. Pipish mana cashcata ruhuangapac juezpacman rinchu. Ashtahuanpish yanga juchanchishpa, rimangapacllami rin. Millaita huicsayuc shina tucushpaca, imatapish mana allitami sajuarin.

SALMOS 14:3

Ashtahuanpish tucuimi paimanta anchurishpa, ismushca shina tucushca. Allita ruhuacca pi mana tiyanchu. Shucllapish mana tiyanchu.

PROVERBIOS 20:6

Achcacunami allita ruhuanchic nincuna. Ashtahuanpish mana llullac runataca ¿pitac taringayari?

SALMOS 12:1

Mandac Dioslla, canta cazuccunaca pi mana saquirinchu. ¡Chaimanta quishpichiyari! Huañuclla runacunapurapica, canta caticcunaca ña illanmi.

2 TESALONICENSES 2:10

Jatun llaquiman ricuccunataca tucuilaya mana allita ruhuashpami, umashpa crichinga. Paicuna quishpiringapac cashcata nic huillashcata piñashpa, mana chasquishcamantami chashnaca tucunga.

SAN LUCAS 14:21

Chaimantami chai amo cachashca runa cutimushpaca, amoman huillarca. Chashna huillacpi, amoca yallita piñarishpaca: “Shinashpaca, plazacunapi, ñancunapi puricuc huacchacunatapish, ungushcacunatapish, suchucunatapish, ñahui mana ricuccunatapish utca cayamugri” nishpa cacharca.

ZACARÍAS 2:4

Shina shamushpami ñucahuan parlashpa ric angeltaca: «Callpa rishpa chai mosota: “Jerusalenpi achca gentecuna, achca animalcuna tiyashcamantami muyundi pirca illac canga.

AMÓS 8:12

Ñuca rimashcata uyanata munashpami, shuc mama cuchamantaca caishuc mama cuchaman, ura ladomantaca inti tigrana ladoman puringa. Shina purishpapish mana taringachu.

JOEL 2:9

Llactapi caiman chaiman rishpami, pirca huasi jahuaman huichicushpa, shuhuaccuna shina ventanacunata yaicunga.

DANIEL 12:4

Shina cacpipish, Daniel-lla, canca cai rimashcata quillcashca librotaca tucuri punzhacaman sellashpa churai. Achcacunami allita yachanata mashcashpa caiman chaiman callpanga.

CANTARES 3:2

Chashna mana tarishpaca: «Cunanca jatarishpa, puebloman rishpa ñuca shungu cuyashcataca ñancunapi, plazacunapi mashcagrisha» nishpami yuyarcani. Mashcashpapish mana tarircanichu.

PROVERBIOS 23:23

Cashcata nishpa causanatapish, alli yachaitapish, alli yuyaita cushcatapish randic shina chasquishpaca, ama catunguichu.

PROVERBIOS 8:3

Pungu ladocunapi, puebloman yaicuna pungu huashacunapi caparishpaca:

1 REYES 19:10

Shina nicpimi paica: —Ñucaca Mandac Diosta yallita cuyashcamantami llaquirini. Israelcunaca canhuan ari nishcatapish, cambac altarcunatapish shitashpami rishca. Canmanta huillaccunataca espadahuanmi huañuchishca. Chai huillaccunamantaca ñucallami saquirishcani. Cunanca, ñucatapish huañuchingapacmi mashcacuncuna— nirca.

JEREMÍAS 2:29

¿Ima nishpatac ñucataca caita chaita nishpa piñachinguichic? Cancunaca ñucata mana cazushpami piñarcanguichic. Chaitaca Mandac Dios ñucami nini.

JEREMÍAS 44:15

Chaita huillacpimi, paicunapac huarmicuna shuctac dioscunaman inciensota rupachicushcata yachac gentecunapish, chaipi cac tucui huarmicunapish, chai tucui tandanacushcacunapish, Egipto llactallapi tiyac Patros llactapi causaccunapish Jeremiasta rimashpaca:

SALMOS 14:2

Paita mashcac alli yuyaiyucca maijanllapish tiyangami nishpami, Mandac Diosca huañunalla gentecunataca jahua pachamanta ricurca.

SALMOS 94:16

Millaita ruhuaccunahuan shayaringapacca ¿pitac ñucataca ayudangayari? Mana allita ruhuaccunahuan shayaringapacca ¿pitac ñuca parte tucungayari?

JEREMÍAS 8:6

Ñucaca tucuitami alli uyarcani. Allita rimacca mana tiyanchu. Pipish llaquirishpa: “¿Imamantatac ruhuarcaniyari?” nicca mana tiyanchu. Tucui paicunami macanacuiman caballocuna callpac ric shina cada quiquin rincuna.

JEREMÍAS 9:2

¡Ñuca llactapi causaccunamanta caruyashpa, shitashca pambata ricucpi, ñucaman pozanata cushpachari alli canman! Paicunaca huainayaccunami, tandanacushpa millaita ruhuaccunami.

JEREMÍAS 9:7

Chaimantami tucuita Mandac Diosca: «Ñuca llactapi causaccunataca, ¿imatatac ashtahuan ruhuasha? Curita ninapi rupachishpa chuyayachic shinami, paicuna ima shina cacta ricugrini.

EZEQUIEL 9:9

Shina mañacpimi paica: «Israelcunapish, Judá llactapi causaccunapish yallitami millaita ruhuashcacuna. Cai llactapica huañuchiccunami yalli tiyan, cai pueblopi causaccunaca millaita ruhuana yuyaillami. Paicunaca: “Mandac Diosca ñucanchicmanta anchurishcami, paica mana ricucunchu” nincunami.