JEREMÍAS 49:6 - Dios Rimashcata Quillcashcami

⁶ Shina cashpapish chai quipaca ñucallatacmi Amón llactapi causaccunataca prezu apashcamanta cutichimusha. Chaitaca Mandac Dios ñucami nini» ninmi.

JEREMÍAS 49:6 Referans Kwoze

JEREMÍAS 49:39

Shina ruhuashpapish, tucuri punzhacunapica Elam llactamanta prezu apashca gentecunataca cutichimushami. Chaitaca Mandac Dios ñucami nini» ninmi.

JEREMÍAS 48:47

Shina cacpipish, tucuri punzhacunapimi Moab llactapi causaccunataca prezumanta cutin cutichimusha. Chaitaca Mandac Dios ñucami nini» ninmi. Moab llactata llaquichina cashcata huillashcaca caicamanllami.

EZEQUIEL 16:53

Ñucami prezu apashcacunataca cutichimusha. Cambac huahuacunatapish, Sodomatapish, Samariatapish paicunapac huahuacunandimi cutichimusha.

JEREMÍAS 46:26

Paicunata huañuchisha niccunapac maquipi, Babilonia llactata jatun mandac Nabucodonosorpac maquipi, jatun mandacta serviccunapac maquipimi churasha. Shina cashpapish, quipataca punta punzhacuna shinallatacmi Egipto llactapi causanga. Chaitaca Mandac Dios ñucami nini.

ISAÍAS 23:18

Shina cashpapish, paicuna catushpa, randishpa tucui japishcaca Mandac Diospaclla chicanyachishcami canga. Paicuna catushpa, randishpa charishcacunataca mana huacaichingachu. Mana mirachingacunachu. Ashtahuanpish chaicunaca Mandac Diospac ñaupapi allita ruhuashpa causaccunapacmi canga. Chai allita ruhuaccuna alli micuchun, alli churarichunmi canga.

JEREMÍAS 12:15

Paicunata llucchishpa cachashca quipaca ñucallatacmi cutin paicunata llaquishpa, quiquin llactaman, quiquin allpaman cutichimusha.

DANIEL 11:41

Chashnami sumac llactacunaman yaicushpa, tauca llactacunata japinga. Ashtahuanpish Edom, Moab, Amón llactapi causaccunallami saquiringa.