JEREMÍAS 49:1 - Dios Rimashcata Quillcashcami

¹ Mandac Diosca Amonta llaquichinamanta rimashpaca: «¿Manachu israelcunaca huahuacunata charin? ¿Manachu paicunaca herenciata japiccunata charin? ¿Imamantatac Milcom diosca Gad aillupac llactata quichushca? ¿Imamantatac paipac gentecunarac chai llactacunapi causacun?

JEREMÍAS 49:1 Referans Kwoze

DEUTERONOMIO 23:3

Amonitacunapish, moabitacunapish Mandac Diospac tandanacuimanca mana yaicungachu. Paicunapac chunganiqui miraicunapish Mandac Diospac tandanacuimanca mana yaicungachu.

JEREMÍAS 49:7

Mandac Dios Edom llactata llaquichinamanta rimashpaca: «Temán llactapica, ¿ñachu yachaccuna tucurirca? Yachaccuna cunashcacunapish, ¿ñachu tucurirca? Paicunapac yachaica, ¿ñachu huacllirirca?

JEREMÍAS 25:21

Edom, Moab, Amón llactapi causaccunamanpish curcani.

2 CRÓNICAS 20:1

Tucui chaicunata ruhuashca quipami Moabpac, Amonpac huahuacuna, shinallatac shuctac amonitacunapish paicunahuan tandarishpa Josafathuan macanacungapac llucshirca.

JEREMÍAS 49:28

Babilonia llactata jatun mandac Nabucodonosor macashpa atishca Cedar aillucunamantapish, Hazor llactata mandaccunamantapish Mandac Dios huillashpaca: «¡Cedar ailluhuan macanacungapac huichai shamuichic! ¡Inti llucshic llactapi causaccunataca tucuchichicyari!

JEREMÍAS 49:23

Mandac Dios Damascota llaquichinamanta huillashpaca: «Hamat, Arfad llactacunapi causaccunaca mana alli huillaita uyashpami yallita llaquirirca. Mama cucha chaupipi cac shinami, yalli llaquihuan shuc ratollapish mana samarincuna.

JEREMÍAS 48:1

Israelcunapac tucuita Mandac Dios Moab llactamanta rimashpaca: «¡Aij, Nebo llactaca tucui tucuchishcami canga! ¡Quiriataimpi causaccunapish tucuchishpa pingaichishcami canga! ¡Muyundita jarcashca pircacunapish urmachishcami canga!

JEREMÍAS 27:3

Chai quipaca Edom, Moab, Amón, Tiro, Sidón llactacunata jatun mandaccunapacman Judá llactata jatun mandac Sedequiasta Jerusalenpi ricungapac shamuccunapuramanta shucta huillachun cachai.

JEREMÍAS 25:9

cai llactatapish, caipi tucui causaccunatapish, cai muyundi llactacunatapish llaquichichunmi jahua llactapi causaccunata, Babilonia llactata jatun mandac ñucata servic Nabucodonosorta cachasha. Chashna cachashpami tucuita tucuchisha. Paicunataca huiñaita tucuipac mancharina, burlanatami ruhuasha.

SALMOS 83:7

shinallatac Gebalpi causaccunapish, amonitacunapish, amalecitacunapish, filisteocunapish, Tiro llactapi causaccunapish shuc shinallami tandanacushca.

SALMOS 9:6

Ñucata piñaccunaca huiñaitami chingarishca. Pueblocunatapish tucuitami urmachircangui. Chai pueblocunapica yuyaringapacllapish imata mana saquircanguichu.

NEHEMÍAS 4:7

Shina caticucta, Jerusalén muyundi pircacunata allichishpa caticucta, pirca jutcucunatapish tapacucta Sanbalatpish, Tobiaspish, arabecunapish, amonitacunapish, Asdod pueblopi causaccunapish yachac chayashpami ñucanchic-huan yallita piñarirca.

NEHEMÍAS 2:19

Ashtahuanpish Horón pueblomanta Sanbalatpish, jatun mandacta servic amonitapuramanta Tobiaspish, arabepuramanta Gesempish chaita uyashpami ñucanchicta asishpa burlashpaca: —¿Cancunaca imatatac ruhuacunguichic? ¿Jatun mandacpac contrachu tucugringuichic?— nircacuna.

2 CRÓNICAS 20:23

Amonitacuna, moabitacunaca Seir urcumanta shamuccunata huañuchishpa, tucuchingapacmi jatarircacuna. Paicunata tucuchishca quipaca, paicunapurallatacmi huañuchinacurca.

2 REYES 24:2

Ashtahuanpish Mandac Diosca Joacimhuan macanacuchunmi caldeocunapac, siriocunapac, moabitacunapac, amonitacunapac soldadocunata cacharca. Mandac Diosca pai ima nishcata huillac, paita serviccunaman huillashca shinallatacmi Judá llactapi causaccunata tucuchichun cacharca.

2 REYES 10:33

Chashnami Jordán yacumanta inti llucshina ladomanca Galaad llactatapish, Gadpac, Rubenpac, Manasespac llactacunatapish quichurca. Arnón jatun yacu ladopi tiyac Aroer pueblomantaca Galaad llactata, Basán llactacamanmi quichurca.

DEUTERONOMIO 2:19

Amonpac churicunapac llactaman chayashpaca, ama paicunata piñachinguichicchu, ama macanacunguichicchu. Amonpac churicunapac llactataca cancunaman mana cushachu. Chai llactataca Lotpac churicunamanmi” nirca.

GÉNESIS 19:38

Chai shinallatacmi quipa ushipish shuc cari huahuata charirca. Chai huahuataca Ben-amitami shutichirca. Paimi cunan punzha causac amonitacunapac taitaca can.

NÚMEROS 1:24

Gadpac ailluta, huasi ucupurata catishpa, ishcai chunga huatayucmanta callarishpa, macanacuiman ripac caricunataca

DEUTERONOMIO 23:4

Paicunaca, cancuna Egipto llactamanta llucshimucpica, micunallahuanpish, yacullahuanpish mana tupangapac llucshircachu. Ashtahuanpish Mesopotamia llactapi tiyac Petormanta Beorpac churi Balaamtami cancunata maldiciachun apamurca.

JEREMÍAS 12:14

Mandac Diosca: «Ñuca acllashca israelcunaman cushca llactatapish, chai ladopi causaccunatapish llaquichiccunataca llucchishpami cachasha. Shinallatac Judá llacta gentecunatapish paicunapac chaupimanta llucchishpami cachasha.

SOFONÍAS 1:5

Huasi jahuacunapi cungurishpa, lucerocunata mañaccunatapish, ñucata adorashpa ñuca shutipi, Milcom diospac shutipi, ari niccunatapish tucuchishami.

EZEQUIEL 21:25

Israel llactata mandaclla, canca millai runami cangui. Canta llaquichishpa tucuchina punzhaca ñami pactashca.

EZEQUIEL 25:1

Mandac Dios ñucata rimashpaca: