JEREMÍAS 48:33 - Dios Rimashcata Quillcashcami

³³ Moabitacunapac alli pucuc pambacunapi cushicushpa caparinaca tucuringami. Vinota ruhuana tanquecunapipish, vinoca mana tiyanchu. Cantashpa uvasta sarunapish tucuringami. Cushicushpa caparinaca ña mana tiyangachu.

JEREMÍAS 48:33 Referans Kwoze

HAGEO 2:16

¿Imatac tucurcanguichic? Maijan ishcai chunga quintal caipac montonman shamushpaca, chunga quintal-llatami tarirca. Pichca chunga puñu vino llucshic uvasta cutana pushtuman apashpaca, ishcai chunga puñullatami llucchirca.

ISAÍAS 5:10

Quimsa hectaria uvas chagramantaca quimsa chunga canchis litro vinollatami llucchinga. Chunga quintal chaupi muyumantaca chaupi quintal granollatami japinga” nircami.

JOEL 1:16

¿Manachu Mandac Diospac huasipi micushpa yallita cushicuitapih ñucanchic ñaupamanta anchuchirca?

JOEL 1:5

¡Machaccuna riccharishpa huacaichicyari! ¡Tucui vinota ubiaccuna llullu vinomanta caparishpa huacaichicyari! ¡Vinotaca cancunapac shimimantami quichushca!

ISAÍAS 9:3

Can Mandac Diosllatacmi paicunataca achcata mirachishpa, yallita cushichircangui. Cosechapi cushicuc shina, macanacuipi quichushcacunata chaupishpa cushicuc shinami, cambac ñaupapica yallita cushicun.

ISAÍAS 7:23

Chai huatapica chunga shuc kilo yalli pezac cullqui valic huaranga uvas yuracunata tarpuna pambapica cashacuna, cardos yuracunami huiñanga.

AMÓS 5:17

Ñuca cancunapac chaupita pasacucpica, tucui uvas chagracunapimi huacai tiyanga.