JEREMÍAS 47:6 - Dios Rimashcata Quillcashcami

⁶ Mandac Diospac espadalla, ¿ima horastac samarigringui? Espadalla, huacaichinapi yaicushpa samariyari.

JEREMÍAS 47:6 Referans Kwoze

JEREMÍAS 12:12

Shitashca pambapi tiyac tucui lomacunamantami tucuchic runacunaca shamurca. Chaica, Mandac Dios ñucami tucui cai pacha tucurimanta callarishpa, ñuca espadahuan tucuita tucuchigrini. Pipish mana cushi causangachu.

SAN JUAN 18:11

Chaimantami Jesusca Pedrotaca: —Espadata maipi charicushcallapitac huacaichi. Ñuca Taita cushca cai jayac ubiana shina llaquitaca ¿manachu apana cani?— nirca.

EZEQUIEL 21:30

Espadataca mana huacaichingachu. Cancuna huiñashca pushtupi, maipi causashca llactallapitacmi taripashpa llaquichisha.

EZEQUIEL 14:17

Jatun macanacuita cai llactapi callarichishpaca gentecunatapish, animalcunatapish tucuchimanmi.

JEREMÍAS 25:27

Canca: “Israelcunapac tucuita Mandac Diosca: Caita ubiashpa, macharishpa arcadashpa urmaichic. Jatun macanacuita llaquichichun ñuca cachacpimi, mana jataringuichic” ninmi ningui.

JEREMÍAS 15:3

Mandac Dios ñucaca: “Paicunata llaquichingapacca chuscu jatun llaquicunatami churasha. Espadataca huañuchichun, allcucunataca caiman chaiman aisarichun, volac animalcunataca micuchun, sacha animalcunataca polvochunmi churasha.

JEREMÍAS 12:4

¿Ima punzhacamantac ñucanchic allpaca quihuacunapish mana huiñashca shitashca pamba shina canga? Cai llactapi causaccuna mana allita ruhuashcamantami pambata puric animalcunapish, volac animalcunapish huañushpa tucurirca. Paicunaca: «Diosca ñucanchictaca mana tucuchingachu» nishpami, mana allita ruhuarca.

JEREMÍAS 4:21

¿Ima horascamantac urcupi banderata ricushayari? ¿Ima horascamantac cornetapi tocashcata uyashayari?

ISAÍAS 10:15

¿Hachaca yantata chictac runata yallichu canga? ¿Serruchopish cuchuc runataca yallichu canga? ¡Shina cashpaca, tauna caspipish paita apacuc runata apanmanmi! ¡Shinallatac ñañu varapish, racu caspita apanmanmi!

ISAÍAS 10:5

Mandac Diosca: «¡Asiria llactata jatun mandaclla, ñuca yallita piñarishpa macana varami cangui! Ñuca yallita piñarishpa macana caspica cambac maquipimi.

SALMOS 17:13

¡Mandac Dioslla jatariyari! ¡Paicunahuan shayarishpa, paicunata cungurichiyari! Millai gentecunapac maquimanta cambac espadahuan quishpichiyari.

1 CRÓNICAS 21:27

Chai quipami Mandac Diosca angeltaca, espadata huacaichichun mandarca.

2 SAMUEL 2:26

Chai pushtumantami Abnerca Joabtaca: —¿Cambac espadahuan huañuchishpa caticugringuillachu? ¿Cai macanacui tucurishca quipa yalli llaqui tiyanataca manachu yachangui? ¿Ima horacamantac cambac gentecunataca paicunapac huauquicunata huañuchishpa caticuchun saquigringuiyari? ¿Ima horatac jarcarigringui?— nishpa caparirca.

JUECES 7:20

Chashnami quimsapi raquirishca runacunaca puñucunata paquishpa nina mechacunata lluqui maquihuan japishpa, alli maquihuanca cornetapi tocashpaca: —¡Mandac Diosmantapish, Gedeonmantapishmi macanacugrinchic!— nishpa caparircacuna.

JEREMÍAS 48:10

¡Mandac Dios ruhuachun nishcata mana alli ruhuacca mana alli nishca cachun! ¡Jatun macanacuita cachacpi, mana huañuchishpa cutic runapish mana alli nishca cachun!

JEREMÍAS 50:35

Babilonia llactapi causaccunatapish, caldeocunatapish espadahuanmi huañuchingapac shamunga. Paicunata mandaccunatapish, paicunapac yachaccunatapish llaquichingami.

ZACARÍAS 13:7

Tucuita Mandac Diosca: «¡Espadalla, michictapish, ñuca ricsiccunatapish llaquichingapac jatariyari! Chai michicta can chugrichicpi, ovejacuna caita chaita ricpica, ñucami huahua ovejacunata llaquichisha.