JEREMÍAS 46:14 - Dios Rimashcata Quillcashcami

¹⁴ «Egipto llactapi huillaichic. Migdol, Menfis, Tafnes llactacunapi huillashpa: “¡Allichirishpa shayarichic. Cancuna causacuc muyunditaca espadahuanmi tucuchinga!” nichic.

JEREMÍAS 46:14 Referans Kwoze

JEREMÍAS 46:10

Chai punzhaca tucuita Mandac Diospac punzhami canga. Paita piñaccunataca llaquichina punzhami canga. Espadaca tucuita huañuchishpami, yahuarsapa tucushpa, machashca shina canga. Tucuita Mandac Diosca jahua lado llacta Eufrates yacu patapimi yallita huañuchinga.

JEREMÍAS 44:1

Egipto llactapi tiyac Migdol, Tafnes, Menfis llactacunapi, Patros llactapi causac Judá llacta runacunamanta Mandac Dios Jeremiasta rimashpaca:

NAHÚM 2:13

Tucuita Mandac Diosca: «Ñucami canta llaquichigrini. Cambac carretacunata rupachishpami cushnichigrini. Cambac huahua leoncunataca, espadahuanmi tucui tucuchinga. Cai llactamantaca can shuhuashcatapish, tucuchishami. Cambac huillaccuna huillashcapish, jaicapi mana uyaringachu» ninmi.

JEREMÍAS 2:30

Ñuca llaquichicpipish, cancunapac huahuacunaca manatac entendishcacunachu. Yangami llaquichishcani. Ñuca ima nishcata huillaccunataca espadahuanmi millai león shina tucuchishcanguichic.

ISAÍAS 1:20

Ashtahuanpish cariyashpa, mana uyasha nishpaca jatun macanacuipimi tucuringuichic. Chaitaca Mandac Dios ñucami nini» ninmi.

JEREMÍAS 12:12

Shitashca pambapi tiyac tucui lomacunamantami tucuchic runacunaca shamurca. Chaica, Mandac Dios ñucami tucui cai pacha tucurimanta callarishpa, ñuca espadahuan tucuita tucuchigrini. Pipish mana cushi causangachu.

ISAÍAS 34:6

Mandac Diosca Bosra llactapica animalcunata rupachingapac huañuchic shinami huañuchinga. Edom llactapipish achcatami huañuchinga. Espadaca maltón ovejacunapac, cari chivocunapac yahuarhuan, Maltón ovejacunapac riñón huirahuanmi yallita cahuiringa.

ISAÍAS 31:8

Chai punzhapica Asiria llacta runacunaca jatun macanacuipimi huañunga. Shina cashpapish mana runacunachu paicunataca huañuchinga. Mana runacunapac espadahuanchu tucuringa. Jatun macanacuimantami miticushpa callpanga. Mosocunaca sinchita servishpami causanga.

2 SAMUEL 2:26

Chai pushtumantami Abnerca Joabtaca: —¿Cambac espadahuan huañuchishpa caticugringuillachu? ¿Cai macanacui tucurishca quipa yalli llaqui tiyanataca manachu yachangui? ¿Ima horacamantac cambac gentecunataca paicunapac huauquicunata huañuchishpa caticuchun saquigringuiyari? ¿Ima horatac jarcarigringui?— nishpa caparirca.

ÉXODO 14:2

«Israelcunataca: “Cutishpa, Baal-zefón llacta chimbapurapi cac, mama cuchahuan Migdol llactahuan chaupipi cac Pi-hahirot llacta cuchupi carpa huasita shayachishpa tiyarichic.

DEUTERONOMIO 32:42

Ñuca espadaca yahuarsapa tucungami. Huañushcacunapac, prezucunapac, jatun acchata charic ñucata piñaccunapac yahuarhuanmi cahuiringa.

ISAÍAS 19:13

Zoán llactata mandaccunaca imata mana entendic shinami ruhuashca. Paicunataca Menfis llactata mandaccunami umashca. Huasita ruhuashpa callaripi churana rumi shina Egiptopi causaccunata llullashpa pandachishca.

JEREMÍAS 46:2

Josiaspac churi jatun mandac Joacim Judá llactata chuscu huatata mandacucpimi, Babilonia llactata jatun mandac Nabucodonosorca Egipto llactata jatun mandac Faraón nishca Necaopac soldadocunata Eufrates yacu ladopi tiyac Carquemis llactapi macanacushpa misharca. Chai soldadocunamanta Mandac Dios rimashpaca:

JEREMÍAS 46:19

Egiptopi causaccunalla, prezu apacpi, ringapac quipita allichichic. Menfisca shitashca pambami saquiringa. Chaipi causaccunaca shucllapish mana tiyangachu.

EZEQUIEL 21:28

Huañunalla runa, canca: “Mandac Dios amonitacuna mana allita rimashcamanta rimashpaca: Cancunata huañuchingapacmi espadaca huacaichinamanta llucchishca tiyacun. Tucui tucuchishpa jagan nicungapacmi alli mulashca tiyacun.

EZEQUIEL 30:13

Cutinllatac Mandac Diosca: Menfis llactapi tiyac ruhuashcalla dioscunatapish, imaman riccha dioscunatapish tucuimi chingachisha. Egipto llactata mandacca tucuringami. Chai llactapica yalli manchaillami tiyanga.

OSEAS 9:6

Paicunaca llaquichigricucpimi rirca. Egiptopi causaccunami paicunataca chasquinga. Menfis llactapi causaccunami enterranga. Paicunapac cullqui huacaichinapica chinimi jundanga. Huasicunapica cashacunami huiñanga.

JEREMÍAS 2:16

Menfis, Tafnes llactacunapi causaccunapish umata paquircami.