JEREMÍAS 46:12 - Dios Rimashcata Quillcashcami

¹² Cancunata pingaichishcataca shuctac llactacunapish ñami yachan. Cancuna caparishcaca tucui cai pachapimi uyarin. Sinchi soldadoca caishuc sinchi soldadohuan huactarishpami urman» nishpami huillarca.

JEREMÍAS 46:12 Referans Kwoze

JEREMÍAS 46:6

Yallita callpac runapish, mana callpai pudinchu. Yalli sinchi runapish mana ati pudinchu. Jahua lado Eufrates yacu ladopimi huactarishpa urmancuna.

JEREMÍAS 14:2

«Judá llactapi causaccunaca duelo churashcami. Llacta pungucunapish ña urmanallami. Chaipi causaccunaca yalli llaquihuanmi allpapi siririn. Jerusalenpica caparishpa huacashcami uyarin.

ISAÍAS 19:2

Egiptopi causaccunataca paicunapurallatacmi macanacuchisha. Huauquipurallatac, apanacucpurallatacmi macanacunga. Shuc llactaca caishuc llactahuan, shuc jatun mandacca caishuc jatun mandac-huanmi macanacunga.

SOFONÍAS 1:10

Mandac Diosca: «Chai punzhapica challua Pungumantami mañashpa, caparishca uyaringa. Caishuc pungumantapish llaquinayaita huacashcami uyaringa. Lomacunapipish yallita mancharishpa caparishcami uyaringa.

JEREMÍAS 51:54

¡Babilonia llactapi yalli llaquihuan caparishcami uyarin! ¡Caldeocuna manchaihuan chucchushcami ricurin!

JEREMÍAS 49:21

Edom llacta urmacpi, caparinacushcaca allpatami chucchuchinga. Puca cuchacamanmi uyaringa.

JEREMÍAS 48:34

Hesbón runacuna caparishpa huacashcaca Eleale llactacaman, shinallatac Jahaza pueblocamanmi uyarirca. Zoarmantaca Horonaimcaman, Eglat-selisiyacamanmi uyarirca. Nimrim yacucunapish chaquishcami.

ISAÍAS 10:4

Cancunaca prezu caccuna shina, cumurichishca, huañuchishcacuna shina urmashcami canguichic. Chashna llaquichishpapish Mandac Diosca nina japiric shina piñarishcataca mana pasachishcachu. Ashtahuanpish llaquichingaracmi.

1 SAMUEL 5:12

Mana huañuccunaca chupu ungüihuanmi yallita llaquita aparca. Chaimantami pueblopi tucui causaccuna caparishcaca jahua pachacaman uyarirca.

ISAÍAS 24:11

Ñancunapica vino illashcamantami huacashpa purincuna. Tucui cushicuimi tucurishca. Cuchicunaca cai pachapimi chingarishca.

JEREMÍAS 2:36

¿Ima nishpatac ñanpi caiman chaiman callpacunguiyari? Asiria llactata jatun mandac pingaichishca shinallatacmi Egipto llactata jatun mandacpish cantaca pingaichinga.

JEREMÍAS 47:2

Mandac Dios huillashpaca: «Jahua lado llactamantaca yacu tendirishpa shamuc shina, shamushpami cai llactatapish, caipi ima tiyashcatapish, llactatapish, chaipi tucui causaccunatapish tapanga. Shina tapacpica, tucui chaipi causac gentecunami caparishpa huacanga.

JEREMÍAS 50:46

Babilonia llactata llaqui japicpi, caparinacushcaca allpata chucchuchingami. Chashna caparishcaca, tucui llactacunamanmi uyaringa nini» ninmi.

NAHÚM 2:5

Sinchi soldadocunata cayacpica, sarurinacushpami shamunga. Pirca ladoman rishpami, espadahuan macanacungapac allichiringa.