JEREMÍAS 44:30 - Dios Rimashcata Quillcashcami

³⁰ Ñucaca Judá llactata jatun mandac Sedequiastaca paita piñashpa huañuchinata munac Babilonia llactata jatun mandac Nabucodonosorpac maquipimi churarcani. Shinallatacmi cancunataca Egipto llactata jatun mandac Hofrapac, paita piñashpa huañuchinata munaccunapac maquipi churagrini” ninmi» nirca.

JEREMÍAS 44:30 Referans Kwoze

EZEQUIEL 30:21

«Huañunalla runa, Egipto llactata jatun mandac Faraonpac shuc rigratami paquircani. Riqui, chaitaca mana jambishcachu, mana huatachishcachu. Chai rigra alli tucushpa, espadata japichunpish mana jambishcachu.

JEREMÍAS 34:21

Judá llactata jatun mandac Sedequiastapish, pai churashca mandaccunatapish, paita piñashpa huañuchinata munaccunapac, cancunapac ñaupamanta rishca Babilonia llactata jatun mandacpac soldadocunapac maquipimi churasha.

EZEQUIEL 31:18

Can sumac cashcatapish, jatun tucushca cashcatapish, ¿Edén huertapi tiyac yuracunamantaca maijan yurahuantac chimbapurashayari? Ashtahuanpish Edén huertapi tiyac yuracunandimi allpa ucupi shitashca cangui. Circuncisionta mana ruhuashca gentecunahuan, jatun macanacuipi huañushcacunahuan pactami ucuman ringa. Cai yuraca Faraonmantapish, chaipi causac gentecunamantapishmi nisha nin” ninmi ningui» nirca.

JEREMÍAS 27:7

Tucui llactacunami paita, paipac churita, paipac nietota servishpa causanga. Babilonia llactaman yalli llaqui huatacuna chayamungacamanmi chashna causanga. Quipaca Babiloniapi causaccunapish shuctac llactacunata jatun mandaccunatami servishpa causanga.

JEREMÍAS 44:29

Mandac Dios ñuca cancunata llaquichishami nishcata, pactachic cashcata yachachunmi, cancunataca cai llactallapitac llaquichigrini. Cai ruhuashcaca shuc señalmi canga.