JEREMÍAS 44:18 - Dios Rimashcata Quillcashcami

¹⁸ Ashtahuanpish jahua pachata mandac huarmi diosman inciensota rupachinata, vinota cushpa tallinata saquishca punzhamanta pachami imapish illac canchic, shinallatac jatun macanacuipi yarcaihuan huañucunchic» nirca.

JEREMÍAS 44:18 Referans Kwoze

JEREMÍAS 40:12

Chaimantami Judá llactamanta llucchishpa cachashca gentecunaca chai pushtullamantac cutirca. Paicunaca Gedaliaspacmanmi Mizpa llactaman shamurca. Chaipimi usyai punzhacuna tiyac vinotapish, ima shuctac granotapish achcata tandachirca.

2 CRÓNICAS 28:23

Paica, paita llaquipi churashca Damasco pueblopi tiyac dioscunallamanmi animalcunata cushpa huañuchirca. Paica: «Siria llactata jatun mandaccunapac dioscunaca paicunataca ayudarcami. Ñucatapish ayudachun animalcunata paicunaman cushpa huañuchisha» nishpami shina ruhuarca. Ashtahuanpish chai dioscunallatacmi paitapish, tucui israelcunatapish yalli llaquipi churarca.

JEREMÍAS 19:13

Jerusalenpi tiyac huasi jahuacunapipish, Judá llactata jatun mandaccunapac huasi jahuacunapipish jahua pachapi tiyac lucerocunamanmi inciensota cushnichirca. Shinallatac shuctac dioscunamanpish vinota cushpami tallirca. Chaimantami chai huasicunaca Tofet pamba shinallatac mapayashca” ninmi ningui» nirca.

OSEAS 2:5

Paicunapac mamaca huainayarcami. Paicunata sajuaricca pingaitami ruhuarca. Paica: “Ñuca cuyashcacunatami catisha. Paicunaca micunatapish, yacutapish, millmatapish, linotapish, aceitetapish, ima ubianacunatapish cunmi” nircami.