JEREMÍAS 44:13 - Dios Rimashcata Quillcashcami

¹³ Jerusalenpi causaccunata ima shinami jatun macanacuipi yarcaihuan, jatun ungüihuan llaquichircani, chashnallatacmi Egipto llactapi causaccunatapish llaquichisha.

JEREMÍAS 44:13 Referans Kwoze

JEREMÍAS 43:11

Pai shamushpami, Egiptopi causaccunataca huañungapac caccunataca huañuchinga. Prezuringapac caccunataca prezunga. Jatun macanacuipi huañungapac caccunataca jatun macanacuita cachashpa tucuchinga.

JEREMÍAS 11:22

Chaimantami tucuita Mandac Diosca: «Ñucami paicunataca llaquichigrini. Quipa huiñai huambracunaca jatun macanacuipimi huañunga. Paicunapac churicunapish, ushicunapish yarcaihuanmi huañunga.

JEREMÍAS 42:18

Israelcunapac tucuita Mandac Diosca: Ima shinami ñuca nina japiric shina piñarishpa Jerusalenpi causaccunata yallita llaquichircani, chashnallatacmi Egipto llactaman riccunatapish llaquichisha. Chaipimi cancunaca mana alli nishcapish, pingaichishcapish, tucuipac mancharinapish causanguichic. Cai llactataca mana cutin ricunguichicchu ninmi.

JEREMÍAS 24:10

Paicunataca jatun macanacuipi, yarcaipi, mancharina ungüihuan llaqui tucuchunmi saquisha. Paicunamanpish, paicunapac ñaupa taitacunamanpish cushca llactapi tucuringacamanmi chashna llaquichisha» nirca.

JEREMÍAS 21:9

Cai llactapi saquirishcacunaca jatun macanacuipi yarcaihuan, jatun ungüihuanmi huañunga. Ashtahuanpish caimanta llucshishpa, cancunapac muyundipi chapacuc caldeocunapacman maijanpish rishpaca causangami. Paicunapac maquipi yaicushpaca mana huañungachu.

JEREMÍAS 42:16

chai llactapipish cancuna manchana macanacuipimi huañunguichic. Yarcaita manchacushpapish, Egipto llactapica yarcaihuanmi huañunguichic.

JEREMÍAS 42:17

Egipto llactaman cutishpa, chaipi causagrinata munaccunaca shucllapish mana saquirishpami, jatun macanacuipi yarcaihuan, jatun ungüihuan huañunguichic. Ñuca chaipi causaccunata llaquichicpica, shucllapish mana quishpiringuichicchu. Chaitaca Mandac Dios ñucami nini.

JEREMÍAS 24:9

Paicunataca tucui llactacunapi causaccuna asichun, mancharishpa parlanacuchun, yuyarina parlocunata paicunamanta llucchishpa, burlachunmi saquisha. Chashnami mai llactaman ñuca cachacpipish, llaqui tucunga.

JEREMÍAS 42:15

maijan saquirishca Judá llactapi causaccuna Mandac Dios rimashcata uyaichic. Israelcunapac tucuita Mandac Diosca: Egipto llactapi causagrinata munashpa, chai llactapi causacucpica,

OSEAS 9:6

Paicunaca llaquichigricucpimi rirca. Egiptopi causaccunami paicunataca chasquinga. Menfis llactapi causaccunami enterranga. Paicunapac cullqui huacaichinapica chinimi jundanga. Huasicunapica cashacunami huiñanga.