JEREMÍAS 43:6 - Dios Rimashcata Quillcashcami

⁶ caricunatapish, huarmicunatapish, huahuacunatapish jatun mandacpac ushicunatapish, Ahicampac churi, Safanpac nieto Gedaliastapish, Dios ima nishcata huillac Jeremiastapish, Neriaspac churi Baructapish aparca. Chai gentecunataca soldadocunata mandac Nabuzaradanmi Gedaliasta cuidachun churashca carca.

JEREMÍAS 43:6 Referans Kwoze

JEREMÍAS 39:10

Shina apashpapish soldadocunata mandac Nabuzaradanca imata mana charic huacchacunataca Judá llactallapitacmi saquirca. Paicunamanca allpacunata, uvas chagracunatami curca.

JEREMÍAS 40:7

Babilonia llactata jatun mandac Ahicampac churi Gedaliasta Judá llactatapish, Babilonia llactaman mana apashca caricunatapish, huarmicunatapish, huahuacunatapish, huacchacunatapish mandachun churashcatami urcucunapi miticushpa saquirishca mandac soldadocuna, caishuc soldadocunaca yachac chayarca.

LAMENTACIONES 3:1

Ñucami Dios piñarishpa, llaquichishca runaca cani.

JEREMÍAS 41:10

Chai quipami Ismaelca Mizpa llactapi saquirishca jatun mandacpac ushicunatapish, shuctac gentecunatapish prezu aparca. Paicunataca soldadocunata mandac Nabuzaradanmi Ahicampac churi Gedaliasman mingashca carca. Netaniaspac churi Ismaelca tucui prezushpami amonitacunapacman rirca.

JEREMÍAS 52:10

Babilonia llacta jatun mandacca Sedequiaspac churicunataca paipac ñaupallapitacmi huañuchirca. Judá llactata mandaccunatapish Ribla llactallapitacmi tucuita huañuchirca.

SAN JUAN 21:18

Huambrarac cashpaca, canllatacmi chumbillirishpa maiman risha nishpapish ric carcangui. Shina cacpipish yuyac cacpica, rigrata chutacpimi, cantaca shuc chumbillichinga, shinallatac can mana risha nishcamanmi pushanga. Chaica chashnatacmi canga— nirca.

JEREMÍAS 38:22

Judá llactata jatun mandacpac huasipi saquirishca tucui huarmicunatami Babilonia llactata jatun mandac churashca mandaccunapacman apanga. Chai huarmicunallatacmi: “Canhuan alli apanacuccunallatacmi cantaca umashpa mishashca. Paicunaca cambac chaquita turupi pambachishpaca shitashpa rircallami” ninga.

JEREMÍAS 43:3

Ashtahuanpish Neriaspac churi Barucmi ñucanchicta caldeocunapac maquipi churashpa huañuchingapac, Babilonia llactaman prezu cachangapac chashna nichun yuyaita cushca canga» nirca.

JEREMÍAS 45:1

Josiaspac churi jatun mandac Joacim Judá llactata chuscu huatata mandacucpimi, Dios ima nishcata huillac Jeremiasca Neriaspac churi Barucman Dios huillachun nishcata shuc carapi quillcachirca. Chai quillcapica:

JEREMÍAS 40:11

Judá llactamanta rishpa Moab, Amón, Edom llactacunapi causaccunatapish, tucui caishuc llactapi causaccunatapish Babilonia llactata jatun mandac Judá llactapi maijan saquishcacunata Ahicampac churi, Safanpac nieto Gedaliasta mandachun churashcatami yachac chayarca.