JEREMÍAS 41:10 - Dios Rimashcata Quillcashcami

¹⁰ Chai quipami Ismaelca Mizpa llactapi saquirishca jatun mandacpac ushicunatapish, shuctac gentecunatapish prezu aparca. Paicunataca soldadocunata mandac Nabuzaradanmi Ahicampac churi Gedaliasman mingashca carca. Netaniaspac churi Ismaelca tucui prezushpami amonitacunapacman rirca.

JEREMÍAS 41:10 Referans Kwoze

JEREMÍAS 40:14

Chashna shamushpami paicunaca: «¿Manachu amonitacunata jatun mandac Baalis Netaniaspac churi Ismaelta canta huañuchichun cachashcata yachangui?» nirca. Shina nicpipish, Ahicampac churi Gedaliasca mana crircachu.

JEREMÍAS 40:7

Babilonia llactata jatun mandac Ahicampac churi Gedaliasta Judá llactatapish, Babilonia llactaman mana apashca caricunatapish, huarmicunatapish, huahuacunatapish, huacchacunatapish mandachun churashcatami urcucunapi miticushpa saquirishca mandac soldadocuna, caishuc soldadocunaca yachac chayarca.

NEHEMÍAS 2:19

Ashtahuanpish Horón pueblomanta Sanbalatpish, jatun mandacta servic amonitapuramanta Tobiaspish, arabepuramanta Gesempish chaita uyashpami ñucanchicta asishpa burlashpaca: —¿Cancunaca imatatac ruhuacunguichic? ¿Jatun mandacpac contrachu tucugringuichic?— nircacuna.

NEHEMÍAS 2:10

Israelcunata ñuca ayudangapac shamushcata yachashpami, horonitapuramanta Sanbalatpish, amonitapuramanta Tobiaspish yallita piñarirca.

JEREMÍAS 39:6

Babilonia llactata jatun mandacca Sedequiaspac churicunataca paipac ñaupallapitacmi huañuchirca. Judá llactata mandaccunatapishmi Babilonia llactata jatun mandacca huañuchichirca.

JEREMÍAS 22:30

Mandac Diosca: «Cai runa ima tucunata quillcaichic. Paica, paipac tucui causaipimi shuc huahuallatapish mana charinga. Paica mana alli causangachu. Paipac huahua huahuacunamantaca pipish David mandashpa tiyarinapica mana tiyaringachu. Judá llactatapish mana mandangachu» ninmi.

JEREMÍAS 38:23

Cambac huarmicunata, huahuacunatami caldeocunaca caimanta apanga. Canca paicunapac maquimantaca manatac quishpiringuichu. Ashtahuanpish Babilonia llactata jatun mandacpac maquipimi, prezu japi tucungui. Cai llactapish tucui rupachishcami canga— nirca.