JEREMÍAS 4:9 - Dios Rimashcata Quillcashcami

⁹ Mandac Diosca: «Chai llaqui punzhacunapica, jatun mandacpac shungupish, pai churashca mandaccunapac shungupish yallita manchaihuanmi shaicushca shina tucunga. Curacunapish mancharishpami musparinga. Ñucamanta huillaccunapish manchaihuan chucchungami» ninmi.

JEREMÍAS 4:9 Referans Kwoze

HECHOS 13:41

“Ñuca ima nishcata mana cazushpa burlaccunalla, mancharishpa miticuichic. Chaica, cancuna causacuc punzhacunapica, mancharinacunatami ruhuasha. Chaita pi huillacpipish, mana cringuichicchu” nishcami— nirca.

JEREMÍAS 52:7

Chaimantami chai llacta muyundi jatun pircata shuc jutcuta ruhuashpa, tucui soldadocuna miticushpa callparca. Chashnami tuta jatun mandacpac huerta ladopi tiyac ishcai pirca chaupipi tiyac punguta llucshirca. Caldeocuna muyundipi chapacucllapitacmi Arabá pambaman rina ñanta callparca.

JEREMÍAS 37:19

¿Maipitac cancunaman: “Babilonia llactata jatun mandacca cancunatapish, cai llactatapish mana llaquichingapac shamungachu” nishpa huillacca?

JEREMÍAS 5:31

Dios ima nishcata huillaccunapish llullashpami huillan. Curacunapish paicuna munashca shinami pushacun. Ñuca acllashcacunapish chaitami munancuna. Chaimanta llaqui punzhacuna chayamucpica, ¿imatatac ruhuanguichic?

ISAÍAS 19:16

Tucuita Mandac Dios paipac llaquichi punzhapica Egipto runacunaca huarmicuna shinami, yallita mancharishpa chucchunga.

ISAÍAS 19:3

Egiptopi causaccunapac yuyaita yanga ruhuashpami, paicuna parlanacushcatapish tucuchisha. Shina ruhuacpimi, paicunapac ruhuashcalla dioscunata, adivinocunata, huañushcacunata tapungapac ringacuna.

SALMOS 102:4

Ñuca shunguca chugririshpa quihua shinami chaquishca. Chaimantami ñuca micunatapish cungarircani.

2 REYES 25:4

Chaimantami jatun mandac Sedequiasca jatun pircata jutcushpa caldeocuna muyundipi chapacucpipish, tucui paipac soldadocunahuan llucshirca. Paipac huertata rishpa, ishcai pirca chaupipi tiyac punguta chai tutallatac llucshishpami, Arabá pambaman rina ñanta rirca.

JEREMÍAS 48:41

Chashna shamushpami, tucui llactacunatapish mishashpa, muyundita jatun pircashca llactacunatapish atishpa japinga. Chai punzhapica sinchi runacunapac shunguca sajuaric huarmi shinami tucunga.

ISAÍAS 28:19

Chai llaquicunami tucui tutamantacuna, chishicuna, tucui punzhacuna pasanga. Chai shamucta uyashpallami manchashpa urmanguichic.

JEREMÍAS 2:26

Shuhuac japi tucushpa, pingai tucuc shinami, israelcunaca juchata ruhuashcamanta pingai tucunga. Paicunapish, jatun mandaccunapish, paicuna churashca mandaccunapish, curacunapish, huillaccunapishmi pingai tucunga.

JEREMÍAS 25:34

¡Michiccuna yallita llaquirishpa huacaichicyari! ¡Achca ovejacunata shina, sinchita mandaccuna, llaquirishpa ñuto allpapi singüichicyari! Chaica, cunan punzhami cancunapac cungata pitinapish, caita chaita cachanapish pactashca. Sumac vasota paquic shinami tucuchinga.