JEREMÍAS 4:29 - Dios Rimashcata Quillcashcami

²⁹ Caballopi montac soldadocunapish, flechata cacharic soldadocunapish yallita tulun nishpa shamucucta uyashpami llactapi causaccunaca jatun sachacunapi, rumi quingraicunapi miticunga. Tucui llactacunata shitashpa rishcamantami shucllapish mana tiyanga.

JEREMÍAS 4:29 Referans Kwoze

JEREMÍAS 4:7

Leonmi sacha ucumanta shamucun. Llactacunata tucuchingapacmi pai tiyacushca pushtumanta caiman shamungapac, ñanman llucshishca. Cancunapac llactacunapica shuc runallapish mana saquiringachu. Tucui tucuchishcami canga.

SAN LUCAS 23:30

Chaimantami urcucunataca: “Ñucanchic jahuapi tuñiri” cutin lomacunataca: “Ñucanchicta tapai” ningacuna.

AMÓS 9:1

Mandac Dios altar jahuapi shayacuctami muscuipi shina ricurcani. Paica: «¡Umbralcuna urmachun, pilarpi tiyac capitelcunapi huactai! Chai pungucunapish tucuipac jahuapi urmashpa ñuturichun cuyuchi. Maijanpish mana uyactaca espadahuanmi huañuchisha. ¡Chaimanta miticushpa rishpapish, shucllapish mana quishpiringachu!

JEREMÍAS 52:7

Chaimantami chai llacta muyundi jatun pircata shuc jutcuta ruhuashpa, tucui soldadocuna miticushpa callparca. Chashnami tuta jatun mandacpac huerta ladopi tiyac ishcai pirca chaupipi tiyac punguta llucshirca. Caldeocuna muyundipi chapacucllapitacmi Arabá pambaman rina ñanta callparca.

ISAÍAS 30:17

Shucllami cancunapuramanta huaranga runata manchachishpa callpachinga. Pichca runacunallami tucui cancunata manchachishpa callpachinga. Chashna callpachicpimi, urcupi shuclla caspi shayacuc shina, bandera shayacuc shina tucunguichic.

2 CRÓNICAS 33:11

Chaimantami Mandac Diosca paicunata llaquichichunca, Asiria llactata jatun mandacpac soldadocunata apamurca. Paicunami Manasestaca cadenacunahuan huatashpa, Babiloniaman prezu aparca.

1 SAMUEL 13:6

Israelcunaca yallita llaquipi cashpami, jatun jutcucunapi, huaicucunapi, machaicunapi, quingraicunapi, yacu jundachina jutcucunapi miticurca.

ISAÍAS 6:12

tucui caipi causaccunata ñuca shuctac llactaman prezu cachacpi, cai llacta shitashca pamba saquiringacamanmi chashnaca casha.

JEREMÍAS 6:23

Paicunaca flechacunahuan, lanzacunahuanmi shayaringa. Paicunaca mana llaquic, yalli millai gentecunami. Mama cucha manchanayaita jataric shinami, tulun nishpa shamun. Sión llactapi causaccunalla, cancunahuan macanacungapacca caballocunapimi shamun» ninmi.

JEREMÍAS 16:16

Cunanca tauca challuata japiccunatami israelcunata japimuchun cachagrini. Chai quipaca achca runacunatami tucui urcucunamanta, lomacunamanta quingraicunamanta sacha animalcunata japic shina, israelcunata japichun cachagrini.