JEREMÍAS 4:24 - Dios Rimashcata Quillcashcami

²⁴ Urcucunata ricucpica chucchucurcami. Lomacunapish cuyuricurcami.

JEREMÍAS 4:24 Referans Kwoze

EZEQUIEL 38:20

Mama cuchapi causac challuacunapish, volac animalcunapish, sacha animalcunapish, allpapi llucashpa puric animalcunapish, cai pachapi causac gentecunapish ñuca ñaupapimi chucchunga. Urcucunapish tuñiringami, quingraicunapish urmangami, pircacunapish tucuimi pambayanga.

JEREMÍAS 10:10

Ashtahuanpish Mandac Diosca cashcata nic Diosmi. Paica huiñaita Mandac, causac Diosmi. Pai yallita piñaricpica, allpapish chucchunmi. Shuctac llactacunapi causaccunapish pai piñaricpica, mana causai pudincunachu.

ISAÍAS 5:25

Mandac Diosca nina japiric shina piñarishpami pai acllashcacunata llaquichirca. Urcucunapish chucchungami. Huañushcacunaca imapish mapa shinami chaupi ñancunapi shitashca canga. Chashna ruhuashpapish pai yallita piñarishcataca mana pasachingachu. Ashtahuanpish llaquichingatacmi.

MIQUEAS 1:4

Pai sarucpica, urcucunapish, pambacunapish ninapi cera yacuyac shinami yacuyashpa ucuyanga. Jahuamanta yacu talliricuc shinami talliringa.

SALMOS 97:4

Paipac relampacunaca tucui cai pachatami achicyachin. Chaita ricushpami allpaca chucchun.

SALMOS 18:7

Pai piñaricpica, cai pachaca mancharinatami chucchurca. Jatun urcu callari rumicunapish chucchurcami.

1 REYES 19:11

Shina nicpimi, Mandac Diosca: —Canzhaman llucshishpa, cai urcullapitac ñucapac ñaupapi shayari— nirca. Mandac Dios chashna nishpa, chaita pasacpica, yallita sinchi huairami shamurca. Chai huairami Mandac Diospac ñaupapi lomacunatapish tuñirca, rumi quingraicunatapish paquirca. Chashna cacpipish, Mandac Diosca chai huairapica mana carcachu. Huaira pasarishca quipaca allpami chucchurca. Mandac Diosca chai allpa chucchuipipish mana carcachu.

HABACUC 3:10

Canta ricushpaca urcucunapish mancharircami, yacu jundashcapish yallircami. Manchana jatun jutcupish caparircami. Mama cuchapish jahuata alzarircami.

HABACUC 3:6

Pai shayaricpica, cai pachami chucchun. Pai ricucpica, llactacunami manchan. Ñaupa huatacunapi tiyac urcucunapish tuñirinmi. Lomacunapish urmanmi. Paipac ñancunaca huiñaicamanmi.

JEREMÍAS 8:16

Piñaccunapac caballocuna huacashcaca Danmanta pachami uyarimun. Chai caballocuna huacacpica, tucui llactami chucchun. Chashna shamushpaca, allpapi ima tiyactapish, llactatapish, chaipi causaccunatapish tucuchinmi» nirca.

SALMOS 77:18

Canca acapana huairapimi tulun nishpa uyarircangui. Cai pachatapish cambac relampahuanmi achicyachircangui. Allpapish manchaihuanmi chucchurca.

APOCALIPSIS 6:14

Jahua pachaca shuc papelta tandac shinami tucui chingarirca. Urcucunapish, yacu chaupipi cac allpacunapish maipi cashcamanta tucuimi cuyurirca.

ÉXODO 19:18

Mandac Dios nina chaupita urcuman urai shamushcamantami chai urcuca hornota cushni tapashca shina carca. Tucui chai urcumi yallita chucchucurca.

JEREMÍAS 9:10

Cunanca, chai llactataca pipish mana pasanchu. Huagra huacashcallapish mana uyarinchu. Sacha animalcunapish, volac animalcunapish tucui illanmi. Chaimantami urcucunamantapish, shitashca pambacunapi tiyac michina pambacunamantapish llaquillata huacasha» nircani.

ISAÍAS 13:13

Tucuita Mandac Dios nina japiric shina piñari punzhapica jahua pachapish chucchungami, cai pachapish shucman ladoman cuyuchishcami canga.

ISAÍAS 24:20

Cai pachaca machashca runa shinami, sansa nicunga. Chuclla shinami yallita cuyuringa. Cai pachapica jucha yallita miracpimi, tucui urmashpa manatac jataringa.